ماڭعىستاۋ وبلىسىندا ارنايى وپەراتسييا بارىسىندا ۇستالعان ەرتٷرلٸ قىلمىستىق توپتاردىڭ 9 مٷشەسٸنە ادام ٶلتٸرۋ, ۇيىمداسقان قىلمىستىق توپ قۇرۋ, بوپسالاۋ جەنە تاعى باسقا باپتار بويىنشا ايىپ تاعىلۋدا, حابارلايدى قازاقپارات تٸلشٸسٸ.
«31 شٸلدە كٷنٸ اقتاۋ قالاسىنىڭ مامانداندىرىلعان تەرگەۋ سوتى سوتقا دەيٸنگٸ تەرگەۋ ورگاندارى 9 تۇلعاعا قاتىستى بەلگٸلەگەن ەكٸ ايعا «كٷزەتپەن ۇستاۋ» تٷرٸندەگٸ بۇلتارتپاۋ شاراسىن سانكتسييالاعان بولاتىن. ونىڭ ٸشٸندە 6 تۇلعا قر قك-نٸڭ 24-بابى 3-بٶلٸگٸ (قىلمىسقا دايىندالۋ جەنە قىلمىسقا وقتالۋ), 99-بابى 2-بٶلٸگٸنٸڭ 7-تارماعى (ادام ٶلتiرۋ), 2 تۇلعا قر قك-نٸڭ 262-بابى 1-بٶلٸگٸ (ۇيىمداسقان توپ, قىلمىستىق ۇيىم قۇرۋ جەنە ولارعا باسشىلىق ەتۋ, سول سيياقتى ولارعا قاتىسۋ), 194-بابى 4-بٶلٸگٸنٸڭ 1-تارماعى (قورقىتىپ الۋ), تاعى 1 تۇلعا قر قك-نٸڭ 194-بابى 4-بٶلٸگٸنٸڭ 1-تارماعى بويىنشا كٷدٸك بولىپ وتىر», - دەدٸ ماڭعىستاۋ وبلىستىق سوتىنىڭ باسپاسٶز قىزمەتٸنەن.
ۆەدومستۆودان مەلٸم ەتكەندەي, اتالعان تۇلعالارعا قاتىستى سوت قاۋلىلارى زاڭدى كٷشٸنە ەنگەن جوق جەنە ٸسكە قاتىسۋشىلار اپەللياتسييالىق تەرتٸپتە ارىز تٷسٸرە الادى.
ەسكە سالساق, 29 شٸلدە كٷنٸ ۇلتتىق قاۋٸپسٸزدٸك كوميتەتٸ ٸشكٸ ٸستەر مينيسترلٸگٸمەن بٸرلەسٸپ, ماڭعىستاۋ وبلىسىندا قىلمىستىق توپ مٷشەلەرٸنٸڭ زاڭعا قايشى ٸس-ەرەكەتٸنٸڭ جولىن كەسۋ بويىنشا اۋقىمدى ارنايى وپەراتسييا ٶتكٸزگەن بولاتىن.
نەتيجەسٸندە جاڭاٶزەن قالاسى مەن مۇنايلى اۋدانىندا بٸر مەزگٸلدە ەرتٷرلٸ تٶرت قىلمىستىق توپتان 17 ادام ۇستالدى. ونىڭ ٸشٸندە 8 ادام سوت شەشٸمٸمەن ەكٸ اي مەرزٸمگە قاماۋعا الىندى.
قىلمىستىق توپتاردىڭ مٷشەلەرٸنەن 3 تاپانشا, دىبىستى بەسەڭدەتەتٸن 1 قۇرال, 8 شولاق اڭشى قارۋى, 1 «سايگا» كارابينٸ, ۇساق كاليبرلٸ 1 ۆينتوۆكا, 5 تراۆماتيكالىق تاپانشا, 218 دانا وق-دەرٸ, تٷرلٸ سۋىق قارۋلار (پىشاقتار, كاستەتتەر جەنە ت.ب.) تابىلىپ, ايعاق زات رەتٸندە تەركٸلەندٸ
