فوتو: inaktau.kz
ماڭعىستاۋ وبلىسىندا 5 اي بۇرىن جوعالعان ٷش بالانىڭ اناسى امان-ەسەن تابىلدى, دەپ حابارلايدى Sputnik قازاقستان پورتالى.
جەنييا ابدۋللاەۆانى پوليتسييا مايورى نۇرجان جاقىپوۆ تاۋىپ العان.
"14 قاڭتاردا ساعات 12:00 شاماسىندا شاعىن اۋدانداعى 4-شٸ ٷيدە ورنالاسقان "ۆيكتورييا" قوناقٷيٸنە ەرٸپتەسٸم جاندوس ەۋەلبەكوۆ ەكەۋمٸز شەتەلدٸك ازاماتتاردى تەكسەرۋگە باردىق. تەكسەرۋ بارىسىندا سول جەردٸڭ ەكٸمشٸلٸگٸمەن سٶيلەسٸپ, جەنييا ابدۋللاەۆانىڭ سۋرەتٸن كٶرسەتتٸك. ەكٸمشٸ "4-5 كٷن بولدى وسى ەيەلگە ۇقساس بٸر كٸسٸ اسپازدىڭ كٶمەكشٸسٸ بولىپ بٸزگە ورنالاستى" دەدٸ", - دەيدٸ پوليتسەي.
پوليتسەي جاقىنداپ, سٶزگە تارتقاندا ەيەل ەڭٸرەپ جىلاپ جٸبەرگەن.
"امانداسا سالعانىمىز سول ەدٸ, ول وتىرا قالىپ جىلاپ جٸبەردٸ. ايتۋىنشا, كٷيەۋٸمەن رەنجٸسٸپ كەتٸپ قالعان. "باراتىن جەرٸم جوق, ەكە-شەشەمە بارسام, ولار مەنٸڭ ٶزٸمە قارسى شىعادى", دەدٸ جەنييا", - دەيدٸ پوليتسييا مايورى.
جەنييا ابدۋللاەۆا ٷش بالاسىن ەنەسٸنە قالدىرىپ كەتٸپ قالعان.
نۇرجان جاقىپوۆتىڭ ايتۋىنشا, 13 جىل تەجٸريبەسٸندە مۇنداي وتباسىلىق كيكٸلجٸڭدٸ ٶتە كٶپ كٶرگەن. بٸراق بۇرىنعىعا قاراعاندا وتباسىن تاستاپ, جوعالىپ كەتەتٸندەر سانى ازايعان.
ەسكە سالا كەتسەك, بەينەۋ اۋىلىنىڭ تۇرعىنى 27 جاستاعى جەنييا ابدۋللاەۆا 29 قىركٷيەكتە جوعالىپ كەتكەن بولاتىن. تۋىستارى ول اقتاۋعا كەتۋٸ مٷمكٸن دەپ بولجادى. پوليتسەيلەر ەيەل جوعالعان كٷنٸ بەينەۋ-ماڭعىستاۋ پويىزىنا بيلەت ساتىپ العانىن انىقتادى. كەلٸنشەك اۋرۋحانادا جۇمىس ٸستەگەن.
وعان وبلىس, تٸپتٸ رەسپۋبليكا كٶلەمٸندە ٸزدەۋ جارييالانعان ەدٸ.
