ماڭعىستاۋ وبلىسى جاڭاٶزەن قالاسىندا اتىس قارۋىن جاساۋعا جەنە ساتۋعا قاتىسى بار قىلمىستىق توپ ۇستالدى, دەپ حابارلايدى Sputnik.
8 جەلتوقساندا جاڭاٶزەن قالاسىندا اتىس قارۋىن جاساۋعا جەنە ساتۋعا قاتىسى بار قىلمىستىق توپتى ۇستاۋ بويىنشا ارنايى وپەراتسييا ٶتتٸ.
قالا تۇرعىنى "كالاشنيكوۆ" جاۋىنگەرلٸك اۆتوماتىن ساتىپ جاتقان جەرٸنەن ۇستالدى. بۇعان دەيٸن ول "ماكاروۆ" تاپانشاسىن ساتقان, دەپ حابارلادى ۇلتتىق قاۋٸپسٸزدٸك كوميتەتٸ.
قىلمىسقا قاتىسى بار ادامداردىڭ تۇرعىلىقتى جەرٸن تٸنتۋ كەزٸندە "ماكاروۆ" تاپانشاسى, 2 شولاق مىلتىق, وق-دەرٸ, سونداي-اق اسا ٸرٸ مٶلشەردە ەرتٷرلٸ ەسٸرتكٸ ("مەفەدرون", "اپيىن") تەركٸلەندٸ.
كٷدٸكتٸلەر كٸنەسٸن مويىندادى. ولاردىڭ ٷشەۋٸنە قاتىستى قاماۋعا الۋ تٷرٸندە بۇلتارتپاۋ شاراسى تاڭدالدى.
قىلمىستىق كودەكستٸڭ 287-بابى ("قارۋدى زاڭسىز ٶتكٸزۋ جەنە ساقتاۋ") جەنە 297-بابى ("ەسٸرتكٸ زاتتارىن زاڭسىز ساقتاۋ") بويىنشا سوتقا دەيٸنگٸ تەرگەۋ جٷرٸپ جاتىر. ۇستالعانداردىڭ باسقا قىلمىستارعا قاتىسى بار-جوعى انىقتالۋدا.
