ماڭعىستاۋ وبلىسى ماقتاارال اۋدانىنا 77,5 توننا جٷك جٸبەردٸ. بۇل تۋرالى ورتالىق كوممۋنيكاتسييالار ورتالىعىنىڭ ٶڭٸرلٸك فيليالىندا ٶتكەن بريفينگتە مو ٸشكٸ ساياسات باسقارماسى باسشىسىنىڭ ورىنباسارى نۇرتاس سالي مەلٸمدەدٸ.
تٷركٸستان وبلىسى ماقتاارال اۋدانىندا ورىن العان تٶتەنشە جاعدايعا بايلانىستى زارداپ شەككەن تۇرعىندارعا كٶمەك كٶرسەتٸپ, قولداۋ بٸلدٸرۋ ماقساتىندا ماڭعىستاۋ وبلىسىندا گۋمانيتارلىق كٶمەك جيناۋ پۋنكتەرٸ ۇيىمداستىرىلدى.
پۋنكتەردە جٷك جيناۋ جۇمىستارى 4 – 9 مامىر ارالىعىندا قالالار مەن اۋداندارداعى جاستار رەسۋرستىق ورتالىقتارىنىڭ بازاسىندا جەنە ٸرٸ ازىق-تٷلٸك دٷكەندەرٸ مەن بازارلاردىڭ الدىندا جٷرگٸزٸلدٸ.
گۋمانيتارلىق جٷكتٸڭ ٸشٸندە ۇزاق ساقتالاتىن ازىق-تٷلٸكتەر, كيٸم-كەشەكتەر مەن تٶسەك-جابدىقتار, دەرٸ-دەرمەكتەر جەنە گيگيەنالىق قۇرالدار قامتىلدى.
العاشقى گۋمانيتارلىق كٶمەك 7 مامىر كٷنٸ ماقتاارال اۋدانىنان ەڭ شالعاي ٶڭٸر — جاڭاٶزەن قالاسىنان جٶنەلتٸلدٸ. 7 گازەل اۆتوكٶلٸكپەن جالپىلاي ەسەپتەگەندە 7,5 تونناعا جۋىق گۋمانيتارلىق جٷك جٸبەرٸلدٸ.
ەكٸنشٸ گۋمانيتارلىق كٶمەك 9 مامىر كٷنٸ اقتاۋ قالاسىنان جەنە بەينەۋ, مۇنايلى, قاراقييا اۋداندارىنان جٸبەرٸلدٸ. 2 فۋرا جەنە 14 گازەل اۆتوكٶلٸكپەن جالپىلاي ەسەپتەگەندە 70 تونناعا جۋىق گۋمانيتارلىق جٷك ماقتاارالدىقتارعا جٶنەلتٸلدٸ.
«جالپىلاي العاندا, وسى ارالىقتا 77,5 تونناعا جۋىق گۋمانيتارلىق جٷك ماڭعىستاۋ جۇرتشىلىعى اتىنان تٷركٸستاندىقتارعا جەتكٸزٸلدٸ», - دەدٸ نۇرتاس سالي.
بٷگٸنگٸ كٷنٸ تٷركٸستان وبلىسىندا ارنايى جٷك جيناۋ قويمالارى ۇيىمداستىرىلىپ, تۇرعىندارعا تاراتۋ جۇمىستارى جٷرگٸزٸلۋدە.
