مامىر ايىندا ەكٸنشٸ دەڭگەيلٸ بانكتەر مەن بانكتٸك ەمەس جەكەلەگەن ايىرباستاۋ پۋنكتەرٸندە جالپى سالماعى 92,7 كەلٸ بولاتىن 3 316 التىن قۇيما ساتىلدى, دەپ حابارلايدى ۇلتتىق بانكتٸڭ باسپاسٶز قىزمەتٸ.
حالىققا تازارتىلعان التىن قۇيمالاردى ساتۋ جەنە ساتىپ الۋ باعدارلاماسى 2017 جىلى ٸسكە قوسىلعان. باعدارلاما قولعا الىنعالى جالپى سالماعى 3,2 تونناعا جۋىق 94 545 التىن قۇيما ساتىلدى.
"التىن قۇيمالار بەس تٷرلٸ سالماقتا ۇسىنىلادى: 5, 10, 20, 50 جەنە 100 گ. ساتىپ الۋشىلار اراسىندا ەڭ كٶپ سۇرانىسقا يە تٷرٸ – 10 گرامدىق التىن قۇيما. جالپى ساتىلعان قۇيمالار اراسىندا ونىڭ ٷلەسٸ – 26%, ياعني, 24 493 دانا. ودان كەيٸن 20 گرامدىق قۇيما كٶپ ساتىلادى – 20 385 دانا (22%), 5 گرامدىق قۇيمادان 19 468 دانا (20%), 100 گرامدىق قۇيمادان 18 679 دانا (20%), 50 گرامدىق قۇيمادان 11 520 دانا (12%) ساتىلدى. التىن قۇيمالار الماتى, نۇر-سۇلتان جەنە اتىراۋ قالالارىندا كٶپ ساتىلادى.
قۇيمالار سەنٸمدٸ ينۆەستيتسييا قۇرالى بولا الادى. التىن قۇيمالار نارىعىنداعى ٶتٸمدٸلٸكتٸڭ باستى كەپٸلٸ – بانك پەن بانكتٸك ەمەس ايىرباستاۋ پۋنكتەرٸ كليەنتكە اقشانى سول كٷنٸ تٶلەي وتىرىپ, التىن قۇيمالاردى كەرٸ ساتىپ الا الادى" - دەلٸنگەن حابارلامادا.
باعدارلاما باستالعالى بەرٸ ەكٸنشٸ دەڭگەيلٸ بانكتەر مەن بانكتٸك ەمەس جەكەلەگەن ايىرباستاۋ پۋنكتەرٸ جالپى سالماعى 330 كەلٸ 13 692 التىن قۇيمانى كەرٸ ساتىپ العان, بۇل – جالپى ساتىلعان قۇيمالاردىڭ 14%-ى. كەرٸ ساتىپ الىنعان التىن قۇيمالاردىڭ بارلىعى دەرلٸك ۇلتتىق بانكتٸڭ فيليالدارى ارقىلى حالىققا ساتىلادى.
ەر قۇيما قورعاۋ ەلەمەنتتەرٸمەن قاپتالعان (قۇيمانىڭ اينا بەتٸ, ميكروتەكست جەنە جيەگٸ بار) جەنە ارنايى قوراپتا شىعادى, سول ارقىلى قۇيمانىڭ اشىلعان-اشىلماعانىن وڭاي تەكسەرۋگە بولادى. قورعانىش قورابى ساپا سەرتيفيكاتى دا بولا الادى. سوندىقتان, التىن قۇيمانى ۇقىپپەن ساقتاپ, قورابىن بٷلدٸرمەۋ كەرەك.
قازٸر التىن قۇيمالاردى ەكٸنشٸ دەڭگەيلٸ بانكتەردٸڭ ەسەپتٸك كاسسا بٶلٸمدەرٸندە جەنە بانكتٸك ەمەس جەكەلەگەن ايىرباستاۋ پۋنكتەرٸندە ساتىپ الىپ, كەرٸ ساتۋعا بولادى.
