مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸ ٸسكە قوسىلعان العاشقى ايدا ەلٸمٸزدە حالىققا كٶرسەتٸلگەن كونسۋلتاتيۆتٸك-دياگنوستيكالىق قىزمەت سانى 2019 جىلدىڭ قاڭتارىمەن سالىستىرعاندا 27% ارتتى. اتاپ ايتقاندا, كت جەنە مرت قىزمەتٸن تۇتىنۋ كٶلەمٸ 54%, ۋدز – 21% ٶسكەن. بۇل تۋرالى بٷگٸن «ەلەۋمەتتٸك مەديتسينالىق ساقتاندىرۋ قورى» كەاق الماتى قالالىق فيليالىنىڭ ديرەكتورى نۇرلىبەك قابدىقاپاروۆ مەلٸمدەدٸ, دەپ حابارلايدى "ۇلت اقپارات".
فيليال باسشىسىنىڭ ايتۋىنشا, 2020 جىلى باعاسى قىمبات بولىپ كەلەتٸن كومپيۋتەرلٸك توموگرافييا, ماگنيتتٸ-رەزونانستىق توموگرافييا, ستوماتولوگييا سىندى قىزمەتتەرگە اقى تٶلەۋ سحەماسى ٶزگەردٸ. بۇرىن قىزمەت اقىسى كونسۋلتاتيۆتٸك-دياگنوستيكالىق كٶمەك كٶرسەتەتٸن كلينيكاعا تٸكەلەي اۋدارىلاتىن بولسا, بيىلدان باستاپ ەمحانالار ارقىلى تٶلەنەدٸ. ول ٷشٸن قوسىمشا كەلٸسٸمشارت بەكٸتٸلەدٸ. بۇعان دەيٸن كت, مرت, پتسر, يفا-اناليز سىندى زەرتتەۋلەر تەك ەلەۋمەتتٸك از قامتىلعان تۇرعىندارعا عانا تەگٸن كٶرسەتٸلٸپ كەلسە, بيىلدان باستاپ بۇل مٷمكٸندٸكتٸ ساقتاندىرىلعان ازاماتتار دا پايدالانا الادى.
«2019 جىلى الماتى قالاسىندا دەنساۋلىق ساقتاۋ سالاسىنا 119,3 ملرد تەڭگە بٶلٸندٸ جەنە بەرٸلگەن قارجى تولىق يگەرٸلدٸ. بەكٸتٸلگەن جوسپار بويىنشا, 2020 جىلى 182,2 ملرد تەڭگەنٸڭ قىزمەتٸ ساتىپ الىنباق. ونىڭ 110,7 ملرد تەڭگەسٸ – تەگٸن مەديتسينالىق كٶمەك پاكەتٸنە, 71,4 ملرد تەڭگەسٸ – ساقتاندىرۋ پاكەتٸنە تيەسٸلٸ. ياعني, جاڭا رەفورما مەن تاريفتەردٸ تەڭەستٸرۋ نەتيجەسٸندە بيىل الماتى قالاسىنىڭ دەنساۋلىق ساقتاۋ سالاسىنا جۇمسالاتىن قاراجات 1,5 ەسە ارتىپ وتىر», - دەدٸ نۇرلىبەك قابدىقاپاروۆ.
بٷگٸنگٸ تاڭدا الماتى قالاسى بويىنشا 173 مەديتسينا ۇيىمى قورمەن كەلٸسٸمشارت بەكٸتكەن. ونىڭ 144-ٸ تەگٸن مەديتسينالىق كٶمەك پاكەتٸ شەڭبەرٸندە قىزمەت كٶرسەتەدٸ. مەملەكەتتٸك تاپسىرىستى ورىندايتىن ەمدەۋ ۇيىمدارىنىڭ 51% – جەكە مەنشٸك كلينيكالار.
مٸندەتتٸ ساقتاندىرۋ پاكەتٸ بويىنشا 152 مەديتسينا ۇيىمىمەن كەلٸسٸمشارت بەكٸتٸلگەن. ونىڭ 55% – جەكە مەنشٸك.
«قازٸر قىزمەت كٶرسەتۋشٸ كلينيكالارمەن ساقتاندىرۋ پاكەتٸنە ەنگەن مەديتسينالىق قىزمەتتەردٸ تولىققاندى كٶرسەتۋ باعىتىندا جۇمىس جٷرٸپ جاتىر. سەبەبٸ, بيىلدان باستاپ قوس پاكەت شەڭبەرٸندە كٶرسەتٸلەتٸن قىزمەت كٶلەمٸ ەدەۋٸر ارتتى. مىسالى, بٷگٸنگٸ كٷنٸ الماتى قالاسىندا پاتسيەنت دەنساۋلىعىن قالپىنا كەلتٸرۋ جەنە وڭالتۋمەن اينالىساتىن ەمدەۋ نىساندارىنىڭ سانى 62-گە جەتتٸ. ٶتكەن جىلى مەملەكەتتٸك تاپسىرىس بويىنشا وڭالتۋ قىزمەتٸن كٶرسەتەتٸن ەمدەۋ ۇيىمدارىنىڭ سانى تٶرتەۋ عانا بولاتىن», - دەپ اتاپ ٶتتٸ الماتى قالالىق قوعامدىق دەنساۋلىق باسقارماسى جەتەكشٸسٸ تٸلەۋحان ەبٸلداەۆ.
ونىڭ ايتۋىنشا, قالاداعى بارلىق ەمحانالار مەن كلينيكالار تەگٸن مەديتسينالىق كٶمەك جەنە مەمس پاكەتتەرٸنە ەنگەن قىزمەتتەردٸ كٶرسەتۋگە قاجەتتٸ ينفراقۇرىلىممەن جابدىقتالعان.
«مەديتسينالىق ساقتاندىرۋ قورىمەن جۇمىس ٸستەيتٸن ەمدەۋ ورىندارىنىڭ بەرٸ پاتسيەنتتەرگە ىڭعايلى بولۋى ٷشٸن تٶلەم تەرمينالدارىن ورناتىپ جاتىر. مۇنداي اپپاراتتار ساقتاندىرىلماعان ازاماتتاردىڭ جارنانى عيماراتتان شىقپاي-اق تٶلەپ, بٸرەر سەتتە جٷيەگە ەنۋٸنە مٷمكٸندٸك بەرەدٸ», - دەپ قورىتتى ت.ەبٸلداەۆ.
