قر پرەمەر-مينيسترٸ اسقار مامين باتىس قازاقستان وبلىسىنا جۇمىس ساپارى اياسىندا ٶڭٸردٸڭ ودان ەرٸ ەلەۋمەتتٸك-ەكونوميكالىق دامۋى مەسەلەلەرٸ جٶنٸندە كەڭەس ٶتكٸزدٸ, سونداي-اق كٶلٸك, تۇرعىن ٷي, ينجەنەرلٸك-كوممۋنيكاتسييالىق ينفراقۇرىلىم, اٶك جوبالارىنىڭ ٸسكە اسىرىلۋىن تەكسەردٸ, دەپ حابارلايدى قر ٷكٸمەتٸنٸڭ باسپاسٶز قىزمەتٸ.
بقو-نىڭ ەلەۋمەتتٸك-ەكونوميكالىق دامۋىنىڭ 2021-2025 جىلدارعا ارنالعان كەشەندٸ جوسپارىن ەزٸرلەۋ, ەلەۋمەتتٸك-ەكونوميكالىق جاعداي, ينفراقۇرىلىمدىق قۇرىلىس, ەلەكترمەن جەنە گازبەن جابدىقتاۋ مەسەلەلەرٸ, سونداي-اق ينۆەستيتسييالىق جوبالار تۋرالى پرەمەر-مينيستردٸڭ ورىنباسارى رومان سكليار, وبلىس ەكٸمٸ عالي ەسقاليەۆ, يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ, ەنەرگەتيكا مينيسترٸ ماعزۇم مىرزاعاليەۆ, ۇلتتىق ەكونوميكا ۆيتسە-مينيسترٸ ەلٸشەر ەبدٸقادىروۆ, قارجى ۆيتسە-مينيسترٸ مارات سۇلتانعازيەۆ باياندادى.
باتىس قازاقستان وبلىسىنىڭ كەشەندٸ ەلەۋمەتتٸك-ەكونوميكالىق دامۋى اياسىندا بەس جىل ٸشٸندە ٶڭدەۋ ٶنەركەسٸبٸن, اٶك, ەلەۋمەتتٸك سالانى, تۇرعىن ٷي, كٶلٸك, ينجەنەرلٸك-كوممۋنيكاتسييالىق ينفراقۇرىلىمدى دامىتۋ, ازاماتتىق قورعاۋ مەن قورشاعان ورتانى قورعاۋدى قامتاماسىز ەتۋ بويىنشا 141 ٸس-شارانى ٸسكە اسىرۋ جوسپارلانىپ وتىر. 2,4 ترلن تەڭگە ينۆەستيتسييا تارتۋ كٶزدەلگەن, ونىڭ 80%-ى – جەكە مەنشٸك كاپيتال.
كەشەندٸ جوسپاردى ورىنداۋ 2025 جىلعا قاراي ٶڭدەۋ ٶنەركەسٸبٸنٸڭ كٶلەمٸن جىلىنا 205-تەن 300 ملرد تەڭگەگە دەيٸن, شوب ٷلەسٸن 32,7%-دان 37,8%-عا دەيٸن ارتتىرۋعا مٷمكٸندٸك بەرەدٸ.
«مەملەكەت باسشىسى قاسىم-جومارت توقاەۆ باتىس قازاقستان وبلىسىنىڭ دامۋىنا ٷلكەن كٶڭٸل بٶلەدٸ. ٶڭٸر ٶنەركەسٸپتٸك دامۋدىڭ جوعارى ەلەۋەتٸنە يە. ەزٸرلەنٸپ جاتقان ەلەۋمەتتٸك-ەكونوميكالىق دامۋدىڭ كەشەندٸ جوسپارىنىڭ ٸس-شارالارىن جٷزەگە اسىرۋ ينۆەستيتسييا تارتۋعا, جاڭا جۇمىس ورىندارىن قۇرۋعا جەنە حالىقتىڭ ەل-اۋقاتىن ارتتىرۋعا ەلەۋلٸ سەرپٸن بەرەدٸ», — دەدٸ ا. مامين.
پرەمەر-مينيستر ەكٸ اپتا ٸشٸندە كەشەندٸ جوسپاردىڭ جوباسىن رەسپۋبليكالىق بيۋدجەت كوميسسيياسىنىڭ قاراۋىنا ەنگٸزۋدٸ تاپسىردى, سودان كەيٸن مەسەلە ٷكٸمەت وتىرىسىندا تالقىلاناتىن بولادى.
ا. مامين سونداي-اق باتىس قازاقستان وبلىسىندا مۇناي-گاز جەنە حيمييا ٶنەركەسٸبٸن دامىتۋ مەسەلەلەرٸ بويىنشا وتاندىق جەنە شەتەلدٸك ينۆەستورلاردىڭ – KPO b.v., Shell, Agip Karachaganak b.v, SRPM Resources Ltd., Nostrum Oil&Gas, ABS-Munai جەنە ت. ب. قاتىسۋىمەن جەكە كەڭەس ٶتكٸزدٸ. ەكونوميكانىڭ اتالعان سالالارىندا جاڭا ينۆەستيتسييالىق جوبالاردى – مۇناي جەنە گاز ٶندٸرۋ كٶلەمٸن ۇلعايتۋ, سونداي-اق ولاردى قايتا ٶڭدەۋ, مٶز, كاليي تىڭايتقىشتارىن ٶندٸرۋ كومبيناتىن سالۋ جەنە ت. ب. ٸسكە اسىرۋدىڭ جاي-كٷيٸ مەن پەرسپەكتيۆاسى قارالدى. قاراشىعاناق كەن ورنىنداعى ينۆەستيتسييالىق جوبالاردى ۋاقىتىلى ٸسكە اسىرۋعا, سونىمەن قاتار ٸشكٸ نارىقتى گازبەن قامتاماسىز ەتۋگە ەرەكشە نازار اۋدارىلدى.
جۇمىس ساپارى اياسىندا ا. مامين ورال قالاسىنداعى حالىقارالىق ەۋەجايدى رەكونسترۋكتسييالاۋ بارىسىمەن تانىستى. جوبانى ٸسكە اسىرۋ جولاۋشىلار اينالىمىن جىلىنا 200 مىڭنان 400 مىڭ جولاۋشىعا دەيٸن 2 ەسەگە ارتتىرۋعا مٷمكٸندٸك بەرەدٸ. ونى 2021 جىلعى جەلتوقساندا پايدالانۋعا بەرۋ كٶزدەلگەن. ٷكٸمەت باسشىسىنا باتىس قازاقستان وبلىسىنداعى اۆتوجولداردى رەكونسترۋكتسييالاۋ جەنە جاڭعىرتۋ جوبالارىنىڭ ٸسكە اسىرىلۋى, ٶڭٸردٸڭ ينجەنەرلٸك-كوممۋنيكاتسييالىق جەنە ەنەرگەتيكا ينفراقۇرىلىمىن دامىتۋ تۋرالى باياندالدى.
پرەمەر-مينيستر «باتىس سۋ ارناسى» كەسٸپورىندارى مەن «جايىق ەت» جشس-دا, سونداي-اق تەرەكتٸ اۋدانىنىڭ تۇقپاي اۋىلىندا بولىپ, «نۇرلى جەر» باعدارلاماسى شەڭبەرٸندە تۇرعىن ٷي ينفراقۇرىلىمى قۇرىلىسىنىڭ بارىسىمەن, ٶڭٸردٸڭ اٶك دامۋىمەن تانىستى.
بيىلعى جىلدىڭ 8 ايىندا باتىس قازاقستان وبلىسىندا قۇرىلىس جۇمىستارىنىڭ كٶلەمٸ ٶتكەن جىلدىڭ سەيكەس كەزەڭٸمەن سالىستىرعاندا 2,9%-عا ارتىپ, 88,5 ملرد تەڭگەنٸ قۇرادى. 302 مىڭ شارشى مەتر (+2,7%) تۇرعىن ٷي پايدالانۋعا بەرٸلدٸ. اۋىل شارۋاشىلىعىنىڭ جالپى ٶنٸمٸنٸڭ كٶلەمٸ 0,7%-عا ٶسٸپ, 120,9 ملرد تەڭگەنٸ قۇرادى.
