قر پرەزيدەنتٸ قاسىم-جومارت توقاەۆ پرەمەر-مينيستر اسقار ماميندٸ قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنت قاسىم-جومارت توقاەۆقا ەلٸمٸزدەگٸ سانيتارلىق-ەپيدەميولوگييالىق جاعداي, حالىقتى ۆاكتسينالاۋ, سونداي-اق, ەلەۋمەتتٸك-ەكونوميكالىق دامۋدىڭ ٶزەكتٸ مەسەلەلەرٸ تۋرالى ەسەپ بەرٸلدٸ.
پرەمەر-مينيستردٸڭ ايتۋىنشا, ەلدەگٸ سانيتارلىق-ەپيدەميولوگييالىق جاعداي تۇراقتانعان. قازاقستان Covid-19 ٸندەتٸنٸڭ تارالۋ قارقىنى بويىنشا «قىزىل» ايماقتان «سارى» ايماققا ٶتتٸ. ۆيرۋستىڭ جۇعۋ يندەكسٸ – 0,94. جۇقپالى اۋرۋلار بٶلٸمشەلەرٸ – 33 پايىزعا, جان ساقتاۋ بٶلٸمشەلەرٸ – 25 پايىزعا تولعان. ۆاكتسينالاۋ قارقىنى ارتىپ كەلەدٸ. قازٸرگٸ تاڭدا قازاقستاندا 3 ميلليون ادامعا ەكپە سالىنىپ, ونىڭ 2 ميلليونى ۆاكتسينانىڭ بٸرٸنشٸ كومپونەنتٸن العان. 1 ميلليونعا جۋىق ادامعا ەكپەنٸڭ ەكٸنشٸ كومپونەنتٸ سالىندى.
مەملەكەت باسشىسىنا 2021 جىلعى جۇمىسپەن قامتۋ جول كارتاسى باعدارلاماسىنىڭ ورىندالۋ جوسپارى تۋرالى اقپارات بەرٸلدٸ. اسقار مامين جۇمىسپەن قامتۋ جول كارتاسىن ٸسكە اسىرۋعا بيىل 300 ميلليارد تەڭگە بٶلٸنگەنٸن, 35,6 مىڭ جۇمىس ورنى, ونىڭ ٸشٸندە, 20 مىڭنان استام تۇراقتى جۇمىس ورنى اشىلاتىنىن اتاپ ٶتتٸ.
قاسىم-جومارت توقاەۆقا مەملەكەتتٸك قىزمەتشٸلەرگە ەڭبەكاقى تٶلەۋ جٷيەسٸنٸڭ پيلوتتىق رەجيمٸنٸڭ جٷزەگە اسىرىلۋى جٶنٸندە باياندالدى. اتالعان پيلوتتىق جوباعا 2018 جىلى مەملەكەتتٸك قىزمەت ٸستەرٸ اگەنتتٸگٸ, سىبايلاس جەمقورلىققا قارسى ٸس-قيمىل اگەنتتٸگٸ, ەدٸلەت مينيسترلٸگٸ, بٸرقاتار ٶڭٸردٸڭ ەكٸمدٸكتەرٸ قاتىستى. جٷرگٸزٸلگەن تەجٸريبەنٸڭ نەتيجەسٸندە جوباعا قاتىسۋشى مەملەكەتتٸك ورگانداردا كادرلاردىڭ الماسۋى 4,9 پايىزدان 3,5 پايىزعا دەيٸن ازايىپ, مەملەكەتتٸك قىزمەتتٸڭ تارتىمدىلىعى ارتا تٷستٸ (كونكۋرس 1 ورىنعا 3,4 ەسەگە ارتتى), ورتالىقتا جەنە ايماقتاردا ەڭبەكاقى تٶلەۋ الشاقتىعى 70 پايىزدان 16 پايىزعا دەيٸن قىسقاردى.
مەملەكەت باسشىسى اتالعان جوبانى جەرگٸلٸكتٸ اتقارۋشى ورگانداردا سونداي-اق, ورتالىق مەملەكەتتٸك ورگانداردا اۋقىمدى تٷردە جٷزەگە اسىرۋدى تاپسىردى. سونىمەن قاتار مەملەكەتتٸك قىزمەتشٸلەردٸڭ سانىن كەزەڭ-كەزەڭٸمەن قىسقارتۋ جەنە مەملەكەتتٸك اپپاراتتىڭ ۇيىمدىق قۇرىلىمىن وڭتايلاندىرۋ جۇمىستارىن جالعاستىرۋ كەرەك. پرەزيدەنت قۇرىلىمدى قايتا ٶزگەرتۋ نەتيجەسٸندە ٷنەمدەلگەن قارجىنى ەڭبەكاقى كٶلەمٸن ارتتىرۋعا باعىتتاۋ ماڭىزدى دەپ سانايدى.
بۇدان بٶلەك كەزدەسۋدە سىرتقى جەنە ٸشكٸ ينۆەستيتسييالاردى تارتۋدى ۇلعايتۋ, شاعىن جەنە ورتا بيزنەستٸڭ ەلەۋەتٸن ارتتىرۋ, قايتا ٶڭدەۋ سەكتورىنىڭ ٶسٸمٸ مەن دامۋى ەسەبٸنەن ەكونوميكانىڭ قۇرىلىمىن ودان ەرٸ ەرتاراپتاندىرۋ, ەلٸمٸزدٸڭ ەلەۋمەتتٸك-ەكونوميكالىق دامۋىنا قاتىستى باسقا دا ٶزەكتٸ مەسەلەلەر جٶنٸندە قابىلدانعان شارالار قاراستىرىلدى.
