بٷگٸنگٸ ٷكٸمەت وتىرىسىندا «نۇرلى جەر» جەنە 7-20-25 باعدارلامالارىنىڭ ٸسكە اسىرىلۋ بارىسى قارالدى. يندۋسترييا جەنە ينفراقۇرىلىمدىق دامۋ مينيسترٸ ر. سكليار, «باسپانا» يپوتەكالىق ۇيىمىنىڭ باسقارما تٶراعاسى ق. التىنبەكوۆ سٶز سٶيلەپ, سونىمەن قاتار مەملەكەتتٸك باعدارلاما كٶرسەتكٸشتەرٸنە قول جەتكٸزبەگەن پاۆلودار جەنە باتىس قازاقستان وبلىستارىنىڭ ەكٸمدەرٸ تىڭدالدى, دەپ حابارلايدى "ۇلت اقپارات" primeminister.kz پورتالىنا سٸلتەمە جاساپ.
«نۇرلى جەر» جەنە «7-20-25» باعدارلامالارى – حالىقتىڭ تۇرعىن ٷي جاعدايىن جاقسارتۋ جٶنٸندەگٸ مەملەكەت باسشىسىنىڭ ەلەۋمەتتٸك ساياساتىنىڭ نەگٸزٸ», — دەپ قر پرەمەر-مينيسترٸ ا. مامين, كەلەسٸ باعىتتار بويىنشا شارالار قابىلداۋ كەرەكتٸگٸن اتاپ ٶتتٸ.
بٸرٸنشٸ. تۇرعىن ٷي قۇرىلىسىن ودان ەرٸ دامىتۋ.
«بيىل بٸز 13,1 ملن شارشى مەتر پەتەردٸ پايدالانۋعا بەرۋٸمٸز كەرەك. ەكٸمدٸكتەر جەنە تيٸستٸ مەملەكەتتٸك ورگاندار جەر تەلٸمدەرٸن بٶلۋ, ينجەنەرلٸك-كوممۋنالدىق ينفراقۇرىلىمدى سالۋ, سونىمەن قاتار ينۆەستيتسييالىق تۇرعىن ٷي جوبالارىن سٷيەمەلدەۋ بويىنشا جۇمىس قارقىنىن ارتتىرۋى قاجەت», — دەدٸ ا. مامين.
سونىمەن قاتار, پرەزيدەنت تاپسىرماسىنا سەيكەس جەكە تۇرعىن ٷي قۇرىلىسىندا ورتاق ارحيتەكتۋرالىق كەلبەتتٸ ساقتاۋ كەرەك. پرەمەر-مينيستر اتاپ ٶتكەندەي, بۇل تاپسىرما تەك ٷش ٶڭٸردە: اقتٶبە, سولتٷستٸك قازاقستان جەنە قوستاناي وبلىستارىندا ورىندالعان. ال قالعان ٶڭٸرلەردە بۇل باعىتتا جۇمىس ەندٸ باستالۋدا. سوندىقتان دا, وسى جۇمىستىڭ قارقىنىن ارتتىرۋدى تاپسىردى.
ەكٸنشٸ. مەملەكەت باسشىسىنىڭ تاپسىرماسى بويىنشا «نۇرلى جەر» باعدارلاماسىنا ٶزگەرٸستەر ەنگٸزۋ.
ەلباسىنىڭ ەلەۋمەتتٸك قامقورلىق شارالارىن ٸسكە اسىرۋ اياسىندا 5 جىلدىڭ ٸشٸندە, جىل سايىن 6 مىڭعا جۋىق كٶپ بالالى وتباسى ٷيمەن قامتاماسىز ەتٸلەدٸ.
«1 مامىردان باستاپ پەتەر بٶلۋدٸ باستايمىز. تۇرعىن ٷي قۇرىلىس جيناق بانكٸ ارقىلى جەڭٸلدٸكتٸ زايم بويىنشا 22,5 مىڭ وتباسى باسپانا الادى», — دەدٸ ا. مامين.
بۇل تەتٸك زاڭنامالىق اكتٸلەرگە ٶزگەرٸستەر ەنگٸزٸلگەن سوڭ ٸسكە قوسىلاتىنى اتاپ ٶتٸلدٸ.
ٷشٸنشٸ. قۇرىلىستاعى وتاندىق ٷلەستٸ 90 پايىزعا دەيٸن ۇلعايتۋ.
ٷكٸمەتتٸڭ كەڭەيتٸلگەن وتىرىسىندا ەلباسى قۇرىلىستاعى وتاندىق ٷلەستٸ ۇلعايتۋ مٸندەتٸن قويدى. وتاندىق قۇرىلىس ماتەريالدارىن شىعارۋ قاراپايىم زاتتار ەكونوميكاسى باعدارلاماسىنىڭ ارنايى باعىتى بولىپ تابىلادى. ونىڭ ورىندالۋىنا 600 ملرد تەڭگە كٶلەمٸندە قاراجات بٶلٸنٸپ وتىر.
«بۇل ٷشٸن جەڭٸلدٸكتٸ قارجىلاندىرۋ مەن مەملەكەتتٸك قولداۋ شارالارى كٶزدەلگەن. وسى باعىتتا جاڭا جوبالاردى دامىتۋ كەرەك, — دەدٸ پرەمەر-مينيستر. — جەرگٸلٸكتٸ ٶنٸمدٸ پايدالانۋ ەكونوميكانىڭ باسقا سالالارىنا مۋلتيپليكاتيۆتٸ ەسەر ەتەدٸ, جۇمىس ورىندارىن قۇرۋعا مٷمكٸندٸك بەرەدٸ».
مىسالى, تٷركٸستان قالاسىندا اۋقىمدى قۇرىلىس جٷرٸپ جاتىر, دەپ اتاپ ٶتتٸ ا. مامين, وسى جەردە قۇرىلىس ماتەريالدارىن شىعارۋ بويىنشا جوبالار جٷزەگە اسىرىلۋى قاجەت. جالپى, وسىنداي ٶندٸرٸستەردٸ بارلىق ٶڭٸرلەردە قۇرۋ تاپسىرىلدى.
