قر پرەمەر-مينيسترٸ اسقار مامين قازاقستان اۋماعىندا كوروناۆيرۋستىڭ تاراۋىنا جول بەرمەۋ جەنە ونىڭ الدىن الۋ شارالارى جٶنٸندە كەڭەس ٶتكٸزدٸ, - دeپ حابارلايدى primeminister.kz.
دەنساۋلىق ساقتاۋ مينيسترٸ ە.بٸرتانوۆ, يندۋسترييا جەنە ينفراقۇرىلىمدىق دامۋ مينيسترٸ ب. اتامقۇلوۆ, مەدەنيەت جەنە سپورت مينيسترٸ ا. رايىمقۇلوۆا, سىرتقى ٸستەر مينيسترٸنٸڭ بٸرٸنشٸ ورىنباسارى ش. نۇرىشەۆ, قازاقستاننىڭ باس سانيتارلىق دەرٸگەرٸ ج. بەكشين, قر ۇلتتىق قاۋٸپسٸزدٸك كوميتەتٸنٸڭ شەكارا قىزمەتٸنٸڭ ديرەكتورى د. دٸلمانوۆ, سونداي-اق الماتى جەنە شىعىس قازاقستان وبلىستارىنىڭ باسشىلىعى ورىن العان جاعداي مەن ەرەكەت ەتۋ شارالارى تۋرالى باياندادى.
«قر پرەزيدەنتٸ قاسىم-جومارت توقاەۆ قىتايدان قازاقستان اۋماعىنا كوروناۆيرۋستىڭ تارالۋىنا جول بەرمەۋ بويىنشا شەشۋشٸ ۇيىمداستىرۋ شارالارىن قابىلداۋدى تاپسىردى», — دەدٸ ا. مامين.
كەڭەس قورىتىندىسى بويىنشا ٷكٸمەت باسشىسى كەلەسٸ كەشەندٸ الدىن الۋ شارالارىن قابىلداۋدى تاپسىردى:
- مەملەكەتتٸك شەكارادان ٶتكٸزۋ بەكەتتەرٸندە, ونىڭ ٸشٸندە ەۋە, اۆتوكٶلٸك جەنە تەمٸر جول كٶلٸگٸ نىساندارىندا سانيتارلىق-ەپيدەميولوگييالىق جەنە كٶشٸ-قون باقىلاۋىن كٷشەيتۋ;
- قحر-دان كەلگەن بارلىق ادامدارعا تۇرعىلىقتى مەكەنجايى بويىنشا مەديتسينالىق باقىلاۋ ورناتۋ;
- ەپيدەميولوگييالىق احۋال ناشارلاعان جاعدايدا حالىققا قاجەتتٸ كٶمەك كٶرسەتەتٸن مەديتسينالىق ۇيىمداردىڭ دايىندىعىن قامتاماسىز ەتۋ;
- قىتايعا قىزمەتتٸك ٸس-ساپارلاردى شەكتەۋ, سونداي-اق جەكە ٸستەر مەن تۋريستٸك ماقساتتاردا بارماۋعا كەڭەس بەرۋ;
- قحر-دان كەلەتٸن ترانزيتتٸك جولاۋشىلارعا قر اۋماعىنا 72 ساعاتتىق ۆيزاسىز كەلۋ رەجيمٸن ۋاقىتشا توقتاتۋ;
- «قورعاس» شىحو قازاقستاندىق بٶلٸگٸنٸڭ جۇمىسىن ۋاقىتشا توقتاتۋ;
- قحر اۋماعىنداعى قازاقستاندىق ازاماتتارمەن ولارعا كونسۋلدىق جەنە ٶزگە دە كٶمەك كٶرسەتۋ ماقساتىندا جۇمىستى جانداندىرۋ;
- مەملەكەتتٸك ورگاندار كوروناۆيرۋستىق ينفەكتسييانىڭ تارالۋىن بولدىرماۋ جٶنٸندەگٸ ٸس-قيمىلدى ٷيلەستٸرۋ ماقساتىندا قحر جەنە باسقا دا مٷددەلٸ ەلدەردٸڭ تيٸستٸ مەملەكەتتٸك قۇرىلىمدارىمەن قاجەتتٸ ٶزارا ٸس-قيمىلدى ۇيىمداستىرۋى تيٸس;
- قاجەت بولعان جاعدايدا قحر ۋحان قالاسىندا جٷرگەن قازاقستان ستۋدەنتتەرٸ مەن قر باسقا دا ازاماتتارىن شۇعىل ەۆاكۋاتسييالاۋدى قامتاماسىز ەتۋ;
- پرەمەر-مينيستردٸڭ ورىنباسارى ب. ساپارباەۆتىڭ تٶراعالىق ەتۋٸمەن ۆەدومستۆوارالىق كوميسسييا قۇرۋ, وعان قازاقستاندا كوروناۆيرۋستىڭ تارالۋىنا جول بەرمەۋ جٶنٸندەگٸ ٸس-قيمىل جوسپارىن ەزٸرلەۋ تاپسىرىلدى.
