قازاقستان پرەمەر-مينيسترٸ اسقار مامين ٷكٸمەت وتىرىسىن ٶتكٸزدٸ. وندا ۇلتتىق حالىق ساناعىنىڭ الدىن الا قورىتىندىسى قارالدى, - دەپ حابارلايدى "ۇلت اقپارات" Primeminister.kz سايتىنا سٸلتەمە جاساپ.
قازاقستان ستراتەگييالىق جوسپارلاۋ جەنە رەفورمالار اگەنتتٸگٸنٸڭ ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆ حالىق ساناعىن ٶتكٸزۋ جٶنٸندەگٸ جۇمىستىڭ اياقتالعانى تۋرالى باياندادى.
ۇلتتىق ستاتيستيكا بيۋروسى مەلٸمەتٸنشە, حالىقتىڭ 60 پايىزعا جۋىعىنا دەستٷرلٸ ساناق جٷرگٸزٸلگەن. ەلٸمٸزدە تۇڭعىش رەت حالىق ساناعى ەلەكترون تٷردە ٶتكٸزٸلدٸ. حالىقتىڭ 40 پايىزدان استامى ساناققا sanaq.gov.kz سايتىندا ەلەكترون ساناق پاراقتارىن ٶزدەرٸ تولتىرۋ ارقىلى قاتىسقان.
حالىق ساناعىنا ساناق پەرسونالىنىڭ 25 مىڭعا جۋىق ادامى, سونداي-اق ۇلتتىق ستاتيستيكا بيۋروسىنىڭ اۋماقتىق بٶلٸمشەلەرٸ مەن ورتالىق اپپاراتىنىڭ قىزمەتكەرلەرٸ قاتىستى. الدىن الا قورىتىندىسى بارلىق تەكسەرۋ اياقتالعاننان كەيٸن جەلتوقساننىڭ اياعىندا شىعارىلادى.
ٷكٸمەت باسشىسى كٷردەلٸ ەپيدەميولوگييالىق جاعدايلاردا ٶتكەن ۇلتتىق حالىق ساناعى مەيلٸنشە ساپالى ۇيىمداستىرىلعانىن ايتتى.
"پرەمەر-مينيستر قازاقستاندىقتارعا وسى ماڭىزدى ناۋقانعا بەلسەندٸ قاتىسقانى ٷشٸن, سونداي-اق ۇلتتىق ستاتيستيكا بيۋروسىنىڭ قىزمەتكەرلەرٸ مەن وسى ناۋقانعا جۇمىلدىرىلعان ازاماتتارعا اتقارعان جۇمىسى ٷشٸن العىس بٸلدٸردٸ", - دەلٸنگەن ٷكٸمەت باسشىسى سايتىندا.
