قر پرەمەر-مينيسترٸ اسقار مامين قر اۋماعىندا كوروناۆيرۋس ينفەكتسيياسىنىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ (ۆاك) سەلەكتورلىق وتىرىسىن ٶتكٸزدٸ, دەپ حابارلايدى primeminister.kz.
سانيتارلىق-ەپيدەميولوگييالىق احۋال مەن قابىلدانىپ جاتقان شارالار تۋرالى دەنساۋلىق ساقتاۋ مينيسترٸ ا. تسوي, سانيتارلىق تالاپتاردىڭ ساقتالۋىن باقىلاۋ تۋرالى ٸشكٸ ٸستەر مينيسترٸ ە. تۇرعىمباەۆ, پتر-دياگنوستيكالاۋ مەن جەكە قورعانىش قۇرالدارىنىڭ باعا ساياساتىنا مونيتورينگ جٷرگٸزۋ جۇمىسى بويىنشا بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى س. جۇمانعارين, تۇرعىندارمەن اقپاراتتىق-تٷسٸندٸرۋ جۇمىستارىن جٷرگٸزۋ تۋرالى اقپارات جەنە قوعامدىق دامۋ مينيسترٸ ا. بالاەۆا, ٶڭٸرلەردەگٸ احۋال تۋرالى قوستاناي وبلىسىنىڭ ەكٸمٸ ا. مۇحامبەتوۆ, باتىس قازاقستان وبلىسىنىڭ ەكٸمٸ ع. ەسقاليەۆ, اقمولا وبلىسىنىڭ ەكٸمٸ ە. مارجىقپاەۆ باياندادى.
پرەمەر-مينيستر ەكٸ مينيسترگە ارنايى تاپسىرما بەردٸ.
دەنساۋلىق ساقتاۋ مينيسترلٸگٸنە: بارلىق مەديتسينالىق قىزمەتتەردٸڭ ورتالىق جەنە ٶڭٸرلٸك دەڭگەيدە سىرقاتتانۋشىلىقتىڭ ىقتيمال ٶسۋ جاعدايىنا تولىق دايىندىعىن قامتاماسىز ەتۋ; حالىقپەن شەكتەۋ شارالارىن ساقتاۋ جٶنٸندە تٷسٸندٸرۋ جۇمىستارىن تۇراقتى نەگٸزدە جٷرگٸزۋ; شەكارا قىزمەتٸمەن, ٶڭٸرلەردٸڭ ەكٸمدٸكتەرٸمەن بٸرلەسٸپ, شەتەلدٸكتەرگە قازاقستانعا كٸرۋ ٷشٸن بەرٸلەتٸن دەنساۋلىق ساقتاۋ ۇيىمدارىنىڭ شاقىرۋ قۇجاتتارىنا باقىلاۋدى كٷشەيتۋ; ەدٸلەت مينيسترلٸگٸمەن, ەكٸمدٸكتەرمەن بٸرلەسٸپ, قر اۋماعىندا ەمدەلۋ ٷشٸن شەتەل ازاماتتارىنا شاقىرۋ بەرۋگە ۋەكٸلەتتٸ, ٶڭٸرلەردەگٸ دەنساۋلىق ساقتاۋ ۇيىمدارىنىڭ تٸزبەسٸن ايقىنداۋ تاپسىرىلدى.
ٸشكٸ ٸستەر مينيسترلٸگٸنە حالىق پەن بيزنەس سۋبەكتٸلەرٸنٸڭ شەكتەۋ جەنە كارانتين شارالارىن ساقتاۋىن باقىلاۋ جٶنٸندەگٸ مونيتورينگتٸك توپتاردىڭ جۇمىسىن كٷشەيتۋ تاپسىرىلدى (بيىلعى 17 تامىزدان باستاپ ەلٸمٸزدە 41 مىڭ رەيدتٸك تەكسەرۋ جٷرگٸزٸلدٸ, 8,7 مىڭ كارانتيندٸ بۇزۋ فاكتٸسٸ انىقتالدى).
