پرەمەر-مينيستر اسقار مامين 10 شٸلدەگە دەيٸن «بٸلٸم بەرۋ ۇيىمدارىندا بالالاردىڭ قاۋٸپسٸزدٸگٸن قامتاماسىز ەتۋ جٶنٸندەگٸ جول كارتاسىن» بەكٸتۋدٸ تاپسىردى, دەپ حابارلايدى "ۇلت اقپارات".
«بٸلٸم بەرۋ وبەكتٸلەرٸندە قولايلى ەرٸ قاۋٸپسٸز ورتا قالىپتاستىرۋ – بٸزدٸڭ باسىم مٸندەتتەرٸمٸزدٸڭ بٸرٸ. مەكتەپتەردە تەكسەرۋ جٷرگٸزۋ بارىسىندا تەرروريزمگە قارسى قاۋٸپسٸزدٸكتٸ بۇزۋ فاكتٸلەرٸ انىقتالدى. وقۋ ورىندارىن كەسٸبي كٷزەتپەن قامتاماسىز ەتۋ, تۋرنيكەتتەر, «دابىل تٷيمەلەرٸ» مەن كامەرالار ورناتۋ جۇمىسىنىڭ ۇيىمداستىرىلۋ دەڭگەيٸ جەتكٸلٸكسٸز. كەسٸپقوي كٷزەتپەن قامتاماسىز ەتٸلگەن مەكتەپتەردٸڭ ەڭ كٶبٸ نۇر-سۇلتان جەنە الماتى قالالارىندا, قاراعاندى, سولتٷستٸك قازاقستان وبلىستارىندا. ال شىعىس قازاقستان وبلىسىندا مەكتەپتەردە ورناتىلعان كامەرالار تالاپتارعا تولىق سەيكەس كەلەدٸ», - دەدٸ مامين ٷكٸمەتتٸڭ بٷگٸنگٸ وتىرىسىندا.
پرەمەر-مينيستر وقۋ ورىندارىنىڭ قاۋٸپسٸزدٸگٸن قامتاماسىز ەتۋ جۇمىسىن ايتارلىقتاي جانداندىرۋ قاجەتتٸگٸن باسا ايتتى. سونىمەن بٸرگە ٶڭٸرلەردە بالالارعا قاتىستى جەنە بالالار اراسىنداعى قۇقىق بۇزۋشىلىقتار پروفيلاكتيكاسىن سالاارالىق ٷيلەستٸرۋدٸ كٷشەيتۋ تالاپ ەتٸلەدٸ.
«وسىعان وراي, ٶڭٸرلەردٸڭ ەكٸمدٸكتەرٸ جاڭا وقۋ جىلى باستالعانشا بٸلٸم بەرۋ ۇيىمدارىن قاۋٸپسٸزدٸكتٸڭ ماتەريالدىق-تەحنيكالىق قۇرالدارىمەن قامتاماسىز ەتسٸن. بۇل ٸشكٸ ٸستەر ورگاندارىنىڭ جەدەل دەن قويۋ ورتالىعىنا شىعاتىن بەينەباقىلاۋ جٷيەلەرٸن جاڭارتۋعا, كەسٸبي كٷزەتپەن, تۋرنيكەتتەرمەن جەنە «دابىل تٷيمەلەرٸمەن» قامتاماسىز ەتۋگە قاتىستى. ەكٸنشٸ, بٸلٸم مينيسترلٸگٸ مٷددەلٸ مەملەكەتتٸك ورگاندارمەن بٸرگە بيىلعى 10 شٸلدەگە دەيٸن بٸلٸم بەرۋ ۇيىمدارىندا بالالاردىڭ قاۋٸپسٸزدٸگٸن قامتاماسىز ەتۋ جٶنٸندەگٸ جول كارتاسىن بەكٸتسٸن», - دەپ تاپسىرما بەردٸ ٷكٸمەت باسشىسى.
سونىمەن بٸرگە, بٸلٸم, مەدەنيەت, دەنساۋلىق ساقتاۋ, ٸشكٸ ٸستەر مينيسترلٸكتەرٸ بيىلعى 20 شٸلدەگە دەيٸن تەرروريستٸك تۇرعىدان وسال ۆەدومستۆولىق وبەكتٸلەردٸڭ تەرروريزمگە قارسى قورعالۋىن ۇيىمداستىرۋ جٶنٸندەگٸ نۇسقاۋلىقتى بەكٸتۋٸ قاجەت.
«بٸلٸم, ٸشكٸ ٸستەر, تٶتەنشە جاعدايلار مينيسترلٸكتەرٸ مەن ٶڭٸرلەردٸڭ ەكٸمدٸكتەرٸ بيىلعى شٸلدەنٸڭ سوڭىنا دەيٸن تٶتەنشە جاعدايلار تۋىنداعان كەزدەگٸ پەرسونال مەن وقۋشىلاردىڭ ٸس-قيمىل الگوريتمٸن بەكٸتسٸن. سونىمەن قاتار وقۋ ورىندارىندا ٷنەمٸ تەرروريزمگە قارسى وقۋ-جاتتىعۋ ٶتكٸزٸپ تۇرۋ كەرەك. ٶڭٸرلەردٸڭ ەكٸمدٸكتەرٸ قيىن بالالارمەن جٷرگٸزٸلەتٸن جۇمىس بويىنشا مەكتەپ پسيحولوگتارى مەن كەمەلەتكە تولماعاندار ٸسٸ جٶنٸندەگٸ ينسپەكتورلاردى ٷيلەستٸرۋدٸ كٷشەيتۋ قاجەت. ٶڭٸر ەكٸمدەرٸ وقۋ ورىندارىنىڭ قاۋٸپسٸزدٸگٸ مەسەلەلەرٸن ەرەكشە باقىلاۋعا السىن», - دەدٸ اسقار مامين.
