ەربٸر مينيستر, ەربٸر ەكٸم ٸشكٸ جەنە سىرتقى ينۆەستيتسييانى تارتۋ ٷشٸن ٷزدٸكسٸز جۇمىس جاساۋى كەرەك. بۇل تۋرالى بٷگٸن ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«ينۆەستيتسييالىق بەلسەندٸلٸكتٸڭ جاھاندىق تٶمەندەۋٸ جاعدايىندا ساپالى ينۆەستيتسييا تارتۋعا بەسەكەلەستٸك ٶتە جوعارى. وتاندىق جەنە شەتەلدٸك ينۆەستورلاردى بەلسەندٸ تارتۋ ارقىلى جەكەشەلەندٸرۋ جوسپارىن تيٸمدٸ ٸسكە اسىرۋدى قامتاماسىز ەتۋ قاجەت. ەربٸر مينيستر, ەر ەكٸم جەنە ۇلتتىق حولدينگتەر مەن كومپانييالاردىڭ باسشىلارى ٸشكٸ جەنە سىرتقى ينۆەستيتسييا تارتۋ ٷشٸن ٷزدٸكسٸز جۇمىس جاساۋى كەرەك»,- دەدٸ ٷكٸمەت باسشىسى.
ونىڭ اتاپ ٶتۋٸنشە, ەربٸر ينۆەستورعا سالاتىن كاپيتال كٶلەمٸ مەن جوبانىڭ باسىمدىعىنا قاراي جەكە قولداۋ شارالارى ۇسىنىلادى.
جاڭا جاعدايدا كەسٸپكەرلٸك سۋبەكتٸلەرٸن قولداۋ ٷشٸن ٸسكەرلٸك بەلسەندٸلٸكتٸ تٸكەلەي ىنتالاندىرۋ شارالارى ٷش باعىتتا ٸسكە اسىرىلادى.
«بۇل – قارجىلاندىرۋعا قولجەتٸمدٸلٸكتٸ قامتاماسىز ەتۋ, بيزنەس جٷكتەمەسٸن ازايتۋ, ٶتكٸزۋ نارىقتارىنا قول جەتكٸزۋدٸ كەڭەيتۋ. بيىلعى قاڭتار-اقپاندا نەگٸزگٸ كٶرسەتكٸشتەر بويىنشا الماتى جەنە اقمولا وبلىستارىندا ەلەۋمەتتٸك-ەكونوميكالىق دامۋ قارقىنى جوعارى. بەس كٶرسەتكٸش بويىنشا اقتٶبە, شىعىس قازاقستان, قاراعاندى, قوستاناي وبلىستارى مەن شىمكەنت قالاسىندا ٶسٸم بايقالادى. سەگٸز ٶڭٸردە 4 كٶرسەتكٸش بويىنشا وڭ ديناميكا. بۇل - جامبىل, قىزىلوردا, ماڭعىستاۋ, پاۆلودار, سولتٷستٸك قازاقستان, تٷركٸستان وبلىستارى, سونىمەن قاتار, نۇر-سۇلتان جەنە الماتى قالالارى. ەڭ تٶمەن كٶرسەتكٸشتەر اتىراۋ جەنە باتىس قازاقستان وبلىستارىندا. مينيسترلەر مەن ەكٸمدەرگە جۇمىستى جانداندىرىپ, تيٸستٸ شارالار قابىلداۋدى جەنە مٸندەتتەردٸ ناقتى ورىنداۋدى تاپسىرامىن», - دەدٸ اسقار مامين.
