قر پرەمەر-مينيسترٸ اسقار مامين جۇمىس ساپارى اياسىندا اقمولا وبلىسىندا كٶكتەمگٸ ەگٸس جۇمىستارىنىڭ جٷرگٸزٸلۋ بارىسىن تەكسەردٸ, دەپ حابارلايدى "ۇلت اقپارات".
بيىل اقمولا وبلىسىندا جازدىق ەگٸس اۋماعى 4,9 ملن گا قۇرايدى, ونىڭ ٸشٸندە 4,4 ملن گا – دەندٸ داقىل. بٷگٸنگٸ تاڭدا 581 مىڭ گا (جوسپاردىڭ 13,1%) دەندٸ جەنە دەندٸ-بۇرشاقتى داقىلدار, 39 مىڭ گا استام مايلى (15,5%) جەنە 51 مىڭ گا مال ازىعى (28,4%) داقىلدارى ەگٸلگەن.
ەگٸس جۇمىستارىنا شامامەن 32 مىڭ بٸرلٸك اۋىل شارۋاشىلىعى تەحنيكاسى جۇمىلدىرىلعان, اتاپ ايتساق, 14 مىڭنان استام تراكتور, 16 مىڭ تۇقىم سەپكٸش, 1 250 ەگٸس كەشەنٸ. ٶڭٸردە كٶكتەمگٸ ەگٸس جۇمىستارىن جٷرگٸزۋگە 68 مىڭ توننا كەپٸلدەندٸرٸلگەن ديزەل وتىنى بٶلٸندٸ, ونىڭ قۇنى مەملەكەت باسشىسىنىڭ تاپسىرماسى بويىنشا فەرمەرلەر ٷشٸن ليترٸ 165 تەڭگەگە دەيٸن ارزانداتىلعان.
اۋىل شارۋاشىلىعى داقىلدارىن ەگۋدٸ وڭتايلى مەرزٸمدە – 20-25 جۇمىس كٷنٸ ٸشٸندە اياقتاۋ كٶزدەلگەن.
ٷكٸمەت باسشىسى ساندىقتاۋ جەنە اقكٶل اۋداندارىنىڭ القاپتارىنداعى ەگٸس جۇمىستارىمەن, جەرگٸلٸكتٸ اۋىل شارۋاشىلىعى كەسٸپورىندارىنىڭ ماتەريالدىق-تەحنيكالىق بازاسىمەن, دەندٸ جەنە جەم-شٶپ داقىلدارىن ٶڭدەۋ جەنە تازالاۋ, سونداي-اق ەت جەنە سٷت ٶنٸمدەرٸنٸڭ ٶندٸرٸسٸن كەڭەيتۋ جوبالارىمەن تانىستى.
«اۋىل – ەل بەسٸگٸ» جوباسىنىڭ ٸسكە اسىرىلۋىن باقىلاۋ اياسىندا پرەمەر-مينيستر ساندىقتاۋ اۋدانىنىڭ ماكسيموۆكا جەنە بالكاشينو اۋىلدارىندا, سونداي-اق اقكٶل اۋدانىنىڭ ەڭبەك اۋىلىندا بولىپ, وندا ەلەۋمەتتٸك ينفراقۇرىلىم نىساندارىن — اباتتاندىرىلعان تۇرعىن ٷيلەردٸ, دەنساۋلىق ساقتاۋ, بٸلٸم بەرۋ جەنە سپورت مەكەمەلەرٸن ارالاپ كٶردٸ.
اقمولا وبلىسىنىڭ اۋىل شارۋاشىلىعى جالپى ٶنٸمٸنٸڭ كٶلەمٸ وسى جىلدىڭ تٶرت ايىنىڭ قورىتىندىسى بويىنشا 2019 جىلدىڭ سەيكەس كەزەڭٸندەگٸ كٶرسەتكٸشپەن سالىستىرعاندا 3,5%-عا ٶستٸ. ٶڭدەلگەن ەت ٶندٸرٸسٸ 22,1%-عا (19 مىڭ توننا), سٷت ٶنٸمدەرٸ 0,4%-عا (26 مىڭ توننا), ۇن 29%-عا (122 مىڭ توننا) جەنە ٶسٸمدٸك مايى 42,1%-عا (8 مىڭ توننا) ٶستٸ.
اقمولانىڭ اۋىل شارۋاشىلىعى ٶنٸمٸن ٶندٸرۋشٸلەرٸ ەلوردا تۇرعىندارىن ەت جەنە سٷتتٸڭ شامامەن ٷشتەن بٸر بٶلٸگٸمەن (33% جەنە 34%-عا), تاعامدىق جۇمىرتقامەن – 94%-عا قامتاماسىز ەتەدٸ. ٶڭٸردە ەت فەرمالارىن قۇرۋ جوبالارى جٷزەگە اسىرىلا باستادى, بارلىعى 7600 باس اسىل تۇقىمدى ٸرٸ قارا مال ساتىپ الۋمەن 111 ەت فەرماسى سالىنادى. 2400 باس ٸرٸ قارا مالعا ارنالعان 18 سٷت-تاۋار فەرماسىن اشۋ جىل سايىنعى سٷت ٶندٸرٸسٸن كەم دەگەندە 40 مىڭ تونناعا ارتتىرۋعا مٷمكٸندٸك بەرەدٸ.
