قىزىلوردالىق ەڭبەك ارداگەرٸ بيبٸگٷل ەبٸشەۆا كەزٸندە تەحنيكانى شەبەر مەڭگەرٸپ, شارۋاشىلىقتا تراكتور تٸزگٸندەگەن. بٷگٸندە جەتپٸس جاسقا جاقىنداعان ول ەلٸ دە تراكتوردى ورنىنان قوزعاپ, كٶكەيگە تٷيگەنٸن ٸزباسارلارىمەن بٶلٸسٸپ تۇرادى, دەپ حابارلايدى قازاقپارات.
قازٸر زەينەت دەمالىسىنا شىققان كەيۋانا ەڭبەك جولىن جالاعاش اۋدانىنداعى كوممۋنيزم (قازٸرگٸ مٶرەلٸ شەمەنوۆ اۋىلى) شارۋاشىلىعىندا باستاعان. اۋدانداعى ۋچيليششەدە تەلٸم العان ونى شارۋاشىلىق باسشىسى م. شەمەنوۆ جۇمىسقا شاقىرادى.
«بٸز ۋچيليششەنٸ 1969 جىلى جەتٸ قىز بٸتٸرگەن ەدٸك. شارۋاشىلىق باسشىسى مٶرەلٸ اعامىز بٸزگە ەڭبەك ەتۋگە ۇسىنىس بٸلدٸردٸ. قىرمان باسىنا كەلگەندە بٸرنەشە تراكتور تٸزٸلٸپ تۇر ەكەن. مەنٸڭ ەنشٸمە تٷرٸ جاڭالاۋ كٶرٸنگەن تراكتور تيدٸ. وسىلايشا ەڭبەك جولىم باستالىپ كەتتٸ», - دەيدٸ ەڭبەك ارداگەرٸ.
سودان بەرگٸ جىلداردا ول ٶزٸنە مٸندەتتەلگەن تاپسىرماعا ٷلكەن جاۋاپكەرشٸلٸكپەن قاراي بٸلدٸ. استىقتى شاشپاي-تٶكپەي جيناپ الۋعا بارىنشا كٷش سالاتىن. اعا بۋىن ٶكٸلدەرٸ جاس قىزدىڭ جانكەشتٸ ەڭبەگٸنە جوعارى باعاسىن بەرەتٸن ەدٸ.
بەرٸدە تۇرمىس قۇرعاننان كەيٸن قارماقشى اۋدانى جاڭاجول اۋىلىنا قونىس اۋداردى. مۇندا دا ەڭبەك كٶرٸگٸن قىزدىرىپ, شارۋاشىلىقتىڭ تولاعاي تابىسقا كەنەلۋٸنە زور ٷلەسٸن قوستى. 1975 جىلى «شالقار» كومسومول جاستار بريگاداسىن قۇرىپ, مال شارۋاشىلىعىندا ەڭبەك ەتتٸ. ودان كەيٸن قايتادان ٶزٸنٸڭ مەحانيزاتورلىق كەسٸبٸنە ورالىپ, تراكتور رۋلٸن تٸزگٸندەدٸ.
«قازٸر تەحنيكانىڭ تٷرٸ دە كٶپ قوي. شەتەلدەن كەلگەن كٶپتەگەن تراكتورمەن كومباينداردى كٶرۋگە بولادى. بٸزدٸڭ كەزٸمٸزدە نەگٸزٸنەن رەسەيلٸك تەحنيكالاردى پايدالانىپ كەلدٸك», - دەيدٸ ەڭبەك ارداگەرٸ.
اۋىلداستارىنىڭ ايتۋىنشا, تراكتورشى بيبٸگٷل تەۋلٸگٸنە 80-90 تونناعا دەيٸن استىق تاسىمالداپ, ەل-جۇرتتىڭ الدىندا ٷلكەن ابىرويعا كەنەلگەن. كەڭەس وداعى جەنە قازاقستان جوعارى كەڭەسٸنە دەلەگات بولىپ سايلاندى.
«جالپى, كەسٸپتٸڭ جاقسىسى-جامانى جوق. ٶز ماماندىعىڭا قۇرمەتتەپ, قىزىعا جۇمىس ٸستەيتٸن بولساڭ, ودان ابىرويعا كەنەلۋگە نەگٸز بار», - دەيدٸ ول.
بيبٸگٷل ەبٸشەۆانىڭ جولداسى – كەريمان سادىقوۆ تا كەزٸندە شارۋاشىلىقتا مەحانيزاتور بولىپ ەڭبەك ەتكەن. ەكەۋٸ ۇرپاق ٶسٸرٸپ, ولارعا سانالى تەربيە بەرە بٸلدٸ.
