ٸشكٸ ٸستەر مينيسترلٸگٸ مالدىڭ ٶز بەتٸمەن جايىلۋ مەسەلەسٸن شەشۋ كەرەكتٸگٸن العا تارتىپ وتىر, دەپ حابارلايدى قازاقپارات تٸلشٸسٸ.
«بٸزدە مالدىڭ بەتالدى جايۋ تەجٸريبەسٸ تاراپ كەتتٸ. وسى جىلى مال ۇرلىعىنىڭ 60 پايىزى مالدىڭ ۇزاق ۋاقىت بويى قاراۋسىز جايىلۋى سالدارىنان تٸركەلگەن. وسى مەسەلەنٸ ەسكەرە وتىرىپ, بٸز ايماقتارعا مال ۇرلىعىنا سەپ بولاتىن وسىنداي شارتتاردى جويۋ تۋراسىندا 1157 كٶرسەتٸلٸم (ۇسىنىس) جولداعان بولاتىنبىز. الايدا بۇعان ەشقانداي جاۋاپ جوق بولىپ تۇر», - دەيدٸ پارلامەنت سەناتىندا ٶتكەن دٶڭگەلەك ٷستەل بارىسىندا قر ٸشكٸ ٸستەر مينيسترٸنٸڭ بٸرٸنشٸ ورىنباسارى جانات سٷلەيمەنوۆ.
ول سونىمەن بٸرگە اتالمىش مەسەلەنٸ شەشۋدەگٸ ۆەدومستۆونىڭ ۇسىنىستارىن ايتىپ ٶتتٸ.
«قاراۋسىز مالىن جايعانى ٷشٸن مال يەلەرٸنە قاتىستى ەشقانداي زاڭنامالىق نورما قاراستىرىلماعان. مٸنە, سوندىقتان, ايماق ەكٸمدٸكتەرٸنە اۋىل شارۋاشىلىعى جايىلىمى مەن ول ٷشٸن ەكٸمشٸلٸك جاۋاپكەرشٸلٸك ەنگٸزەتٸندەي قۇقىق بەرۋ ۇسىنىسىن باستاما رەتٸندە كٶتەرٸپ وتىرمىز. بۇل رەتتە, ەلبەتتە, مالشىلار كەرەك. مەسەلەن, 100 ٸرٸ قاراعا بٸر مالشىنىڭ كەرەگٸ انىق. بەلكٸم, مال جايىلىمى رەتكە كەلتٸرٸلەتٸندەي, ولارعا بٸر مينيمالدى كٶمەك بەرۋ كەرەك پە?», - دەيدٸ ۆيتسە-مينيستر.
سونىمەن بٸرگە, جانات سٷلەيمەنوۆ مالدىڭ قاراۋسىز جايىلۋىنا بايلانىستى ەكٸنشٸ مەسەلەنٸ دە اتاپ ٶتتٸ.
«بيىل عانا مالدى باسىپ كەتۋ جاعدايىنا قاتىستى جول-كٶلٸك وقيعالارى 28 پايىزعا ٶسكەن. وسىنىڭ سالدارىنان قازا تاپقانداردىڭ سانى 46 پايىزعا ٶستٸ. جٷزگە تارتا ادام جاراقات الدى. جاقىندا عانا الماتى - تالدىقورعان تاسجولىندا 2 ادام كٶز جۇمدى. بەلگٸ مەن چيپ بولماعاننان كەيٸن ەلگٸ ٶلٸمگە سەبەپ بولعان جىلقىلاردىڭ يەلەرٸ ەلٸ دە تابىلاتىن ەمەس», - دەپ تٷيدٸ جانات سٷلەيمەنوۆ.
