مالايزييانىڭ جوعارعى سوتىندا ەلدٸڭ بۇرىنعى پرەمەر-مينيسترٸ نادجيب رازاكتىڭ سوتى بولىپ جاتىر, دەپ حابارلايدى قازاقپارات Bernama باسىلىمىنا سٸلتەمە جاساپ.
وعان 1Malaysia Development Berhad (1MDB) مەملەكەتتٸك ينۆەستيتسييا قورىنان 546 ملن اقش دوللارىنان استام قارجى جىمقىردى دەگەن ايىپ تاعىلدى. بٸراق وعان تاعىلعان ايىپ وسىمەن بٸتپەي وتىر. سوت رازاكقا جالپى تٶرت تٷرلٸ ايىپ تاعىپ وتىر, بۇدان بٶلەك, جىمقىرعان وسى اقشاسىن پايدالانا وتىرىپ, 21 جەردەن اقشا جىمقىردى دەگەن كٷدٸك تاعى بار.
مەملەكەتتٸك ايىپتاۋشىلار نادجيب رازاك 2011 جىلدىڭ 11 اقپانىنان 2014 جىلدىڭ 19 جەلتوقسانىنا دەيٸن AmIslamic Bank بانكٸنٸڭ بٶلٸمشەسٸندە زاڭعا قايشى ەرەكەتتەر جاسادى دەگەندٸ العا تارتادى.
ەگەر 66 جاستاعى بۇرىنعى پرەمەردٸڭ كٸنەسٸ دەلەلدەنسە, 20 جىلعا باس بوستاندىعىنان ايىرىلۋى مٷمكٸن.
