الەكساندر لۋكاشەنكو موگيلەۆسك وبلىسىنا ساپارى كەزٸندە وسى ٶڭٸردٸڭ بٸرنەشە جوعارى شەندٸسٸن, سونىڭ ٸشٸندە وبلىس گۋبەرناتورىن, پرەزيدەنتتٸڭ وبلىس بويىنشا كٶمەكشٸسٸن جەنە شكلوۆسكٸ اۋدانىنىڭ باسشىسىن قىزمەتٸنەن ايىردى. وعان باستى سەبەپ – مال قوراداعى ماسقارا, دەپ حابارلايدى ونت بەلارۋس تەلەارناسى.
لۋكاشەنكو 26 ناۋرىزدا "كۋپالوۆسكوە" اگروحولدينگٸن ارالايدى, بٸراق ول جوسپارلانعان باعىتتان تايىپ, مال قوراعا تٸكەسٸنەن تارتقان. ال مال قورا "كٸسٸ تاماشالاۋعا" دايىن بولماي شىققان. ودان بٶلەك ونداعى مالداردىڭ دا جاي-كٷيٸ مەز بولماپتى. ىڭىرشىعى اينالعان كەرٸ مٶشكە تەلتٸرەكتەپ ەرەڭ تۇرعانعا ۇقسايدى.
"قاراشى, مىنا سيىر ٶلەيٸن دەپ ەرەڭ تۇر عوي. كٶرمەيسٸڭ بە, ىڭىرشاعى اينالىپ كەتكەنٸن. نەگە مۇندا مەنٸ ەكەلدٸڭدەر? قولدارىنا كٸسەن تاقسىن دەپ پە? مۇنىڭ وسۆەنتسيم ەكەنٸن تٷسٸنبەيتٸن ادامدى قالاي اگروحولدينگ باسشىسى قىلعانسىڭدار? ول نە, وسىنىڭ بەرٸ دۇرىس دەپ ويلاي ما? نەسٸن جٶندەيدٸ? بۇل ارانى كٷندە, مينۋت سايىن جٶندەۋ كەرەك! قورا تازالايتىن ادام بولۋ كەرەك. مالدىڭ استى ٷنەمٸ قۇرعاق بولۋى تيٸس!", - دەپ ايقالادى اياق-استى مال قوراعا كٸرٸپ, ونداعى ماسقاراعا كۋە بولعان لۋكاشەنكو.
بەلارۋس كٶشباسشىسى بۇل ٷشٸن شەندٸلەر قىزمەتٸنەن ايىرىلىپ قانا قويمايتىنىن, تٸپتٸ قىلمىستىق ٸس قوزعالاتىنىن دا ايتتى.
"قازٸر قاسىمدا قانداي ادامدار جٷر? بەرٸنٸڭ تٸزٸمٸن كەشكە دەيٸن الدىما قويىڭدار. بٸرەۋٸن دە قالدىرمايمىن. بەرٸن ورنىنان الامىن. كٸنەلٸلەردٸڭ قولىنا كٸسەن سالىنادى", - دەدٸ لۋكاشەنكو.
