بٷگٸن باتىس قازاقستان وبلىسى ورال قالاسىنان جولعا شىققان كەرۋەن ماقتاارال اۋدانىنا كەلٸپ جەتتٸ. 12 توننا گۋمانيتارلىق كەرۋەن كٶلٸگٸنە ازىق-تٷلٸكتەر مەن قۇرىلىس ماتەريالدارى, كيٸم-كەشەك جەنە تۇرمىستىق قاجەتتٸ قۇرال-جابدىقتار تيەلگەن, دەپ حابارلايدى "ۇلت اقپارات".
گۋمانيتارلىق كٶمەكتٸ جيناۋعا باتىس قازاقستان وبلىسىنىڭ ەتنومەدەني بٸرلەستٸكتەرٸنٸڭ ٶكٸلدەرٸ مەن كەسٸپكەرلەر, ەرٸكتٸلەر ٷلەس قوسقان.
سۋ تاسقىنىنان زارداپ شەككەن ماقتاارالدىق اعايىندارعا كٶمەك قولىن سوزۋعا باتىستاعى «ۆايناح» شەشەن-ينگۋش ەتنومەدەني ورتالىعى مەن «بٸرلٸك» ەرٸكتٸلەر توبى, «دوستىق» قازاق-ۆايناح پەن «Patriot» سپورت كلۋبى, سونىمەن بٸرگە «كادىرگاليەۆ ت.ا.» جك, «UralskRunners» جٷگٸرۋشٸلەردٸڭ كلۋب مٷشەلەرٸ ۇيىمداستىرۋعا اتسالىسىپ, قاراجات جيناۋعا سەپ بولعان.
باتىستان وڭتٷستٸككە دەيٸن جول تارتقان كٶمەك كٶلٸگٸن تٷركٸستان وبلىسى ەكٸمٸ اپپاراتىنىڭ «قوعامدىق كەلٸسٸم» كمم-نٸڭ ماقتاارال اۋدانىندىق فيليالى ماماندارى, ەتنومەدەني بٸرلەستٸك تٶراعالارى مەن مٷشەلەرٸ كٷتٸپ الىپ, گۋمانيتارلىق كٶمەك قويماعا تاپسىرىلدى.
ايتا كەتەيٸك, بۇعان دەيٸن باتىس قازاقستان وبلىسى مەن ونداعى اۋدانداردان دا گۋمانيتارلىق كٶمەك كەلگەن بولاتىن.
