تٷركٸستان وبلىسىنىڭ ەكٸمٸ ٶمٸرزاق شٶكەەۆ اپاتتان زارداپ شەككەن ايماققا ارنايى كەلٸپ, ارىستىڭ تەجٸريبەسٸنە سەيكەس ماقتاارال اۋدانىندا دا تيٸستٸ جۇمىستار جٷرگٸزٸلەتٸنٸن ايتتى, - دەپ حابارلايدى وبلىستىق ٶڭٸرلٸك كوممۋنيكاتسييا قىزمەتٸ.
وبلىس ەكٸمٸ ماقتاارال اۋدانىنداعى سۋ باسقان جاڭاتۇرمىس پەن جەڭٸس ەلدٸمەكەنٸنە بارىپ, اپپاتتان جاپا شەككەن ٷيلەردٸ قاراپ شىقتى.
ەڭ الدىمەن وبلىس باسشىسى ەڭبەكشٸ اۋىلدىق وكرۋگٸ جاڭاتۇرمىس اۋىلىندا بولدى. مۇندا 47 ٷيدە 321 تۇرعىن تۇرعان.
2 مامىر كٷنٸ تٷنگٸ ساعات 01:50-دە اتالعان ەلدٸمەكەندە ەۆاكۋاتسييالاۋ ٸس-شارالارى باستالدى.
جالپى ەلدٸ مەكەندە 1 مەكتەپ, 1 مەدپۋنكت, 1 مەشٸت ورنالاسقان. جاڭاتۇرمىس اۋىلىندا 2 700 سيىر, 3 000 قوي, 150 جىلقى, 450 تاۋىق بولعان. وبلىس باسشىسى اۋدان ەكٸمٸ ب.اسانوۆقا تٶتەنشە جاعدايدان زاقىم كەلگەن ەلەۋمەتتٸك نىسان مەن زارداپ شەككەن مال-مٷلٸك سانىن انىقتاۋدى تاپسىردى.
بۇدان كەيٸن ٶڭٸر باسشىسى جەڭٸس اۋىلىنا ايالداپ, اۋىلدىڭ جاعدايىمەن تانىستى. بۇل اۋىلدا 280 ٷي, 1 922 تۇرعىن بار.
ەلدٸمەكەندە 1 مەكتەپ, 2 بالاباقشا, 1 مەدپۋنكت, 1 مەشٸت, 1 مەدەنيەت ٷيٸ ورنالاسقان. قازٸرگٸ تاڭدا اتالعان نىسانداردىڭ قانشالىقتى زاقىمدانعانى انىقتالىپ جاتىر. بۇل اۋىلدا قازٸرگٸ تاڭدا جايىلىم جەردٸڭ 500 گەكتارى, ەگٸستٸك القابىنىڭ 50 گەكتارىن سۋ باسقان. اۋىلدا 350 سيىر, 270 قوي, 300 تٷيە, 70 جىلقى, 700 تاۋىق بولعان.
ەسكە سالا كەتەيٸك, كەشە ٶزبەكستاندا ساردوبا سۋ قويماسىنىڭ بٶگەتٸ جارىلىپ , ەلدٸ مەكەندەر, كوممۋنيكاتسييالىق جەلٸ, ەگٸستٸككە زاقىم كەلگەن. سونىڭ سالدارىنان ماقتاارال اۋدانىنىڭ ەكٸ اۋىلىن سۋ باستى. ماقتاارال اۋدانىنىڭ ەكٸمٸ, اۋداندىق تٶتەنشە جاعداي شتابىنىڭ تٶراعاسى باقىت اسانوۆتىڭ تٶراعالىعىمەن 2 مامىر تٷنگٸ 00:00-دە ارنايى جيىن ٶتٸپ, تٶتەنشە جاعداي جارييالاندى. سۋ باسقان اۋىلداردان 5 400 ادام قاۋٸپسٸز جەرگە كٶشٸرٸلدٸ.
