تٷركٸستان وبلىسى ماقتاارال اۋدانىندا تج سالدارىن جويۋ جۇمىستارىنىڭ بارىسى باياندالدى, دەپ حابارلايدى "ۇلت اقپارات".
«جەدەل شتابتىڭ شەشٸمٸ بويىنشا 7 مامىردا قر ٸٸم تج كوميتەتٸنٸڭ بارشا كٷشٸ ەلدٸ مەكەندٸ سۋدان قۇرعاتۋ ٷشٸن ٶرگەباس اۋىلىنا باعىتتالدى. سۋ باسقان ەلدٸ مەكەندەردە جينالعان سۋ ٶرگەباس اۋىلى تٶڭٸرەگٸنە قاراي اعىلۋدا. سوندىقتان جاساق كٷشتەرٸ مەن جابدىقتاردى اتالعان اۋىلعا قاراي كٶشٸرۋ شەشٸمٸ قابىلداندى. قازٸرگٸ ۋاقىتتا ناسوستار ارقىلى 1 ملن تەكشە مەتردەن استام سۋ شىعارىلدى», - دەلٸنگەن قر ٸٸم تج كوميتەتٸ مەلٸمەتٸندە.
سونىمەن قاتار, بۇل جۇمىستارعا ٶزبەكستان قۇتقارۋشىلارى دا جۇمىلدىرىلعان.
نۇرلىجول, جاڭاتۇرمىس, جەڭٸس, دوستىق اۋىلدارىندا ٸٸم كٷشٸمەن سۋدان قۇرعاتۋ, سونداي-اق جەكە زاتتاردى, قۇجاتتار مەن مٷلٸكتٸ ەۆاكۋاتسييالاۋ جۇمىستارى جٷرٸپ جاتىر.
تج سالدارىن جويۋ شارالارىنا قۇتقارۋشىلار, ەسكەري قىزمەتشٸلەر, پوليتسەيلەر, جەرگٸلٸكتٸ اتقارۋشى ورگانداردىڭ قىزمەتكەرلەرٸ مەن ۆولونتەرلار جۇمىلدىرىلعان. جالپى, 1300 ادام, 220 تەحنيكا, 15 جٷزۋ قۇرىلعىسى مەن 46 موتوپومپا تارتىلدى.
بۇدان بٶلەك, اپاتتىق-قۇتقارۋ جۇمىستارىنا 205 ادام, 38 تەحنيكا مەن 85 موتوپومپا الىپ كەلگەن ٶزبەكستان تٶتەنشە جاعدايلار مينيسترلٸگٸنٸڭ قۇرىلىمى قاتىسۋدا.
7 مامىر تاڭەرتەڭ تٶتەنشە جاعداي سالدارىن جويۋ شارالارىنا نۇر-سۇلتان قالاسى مەن قاراعاندى وبلىسى تج دەپارتامەنتتەرٸنٸڭ قوسىمشا كٷشتەرٸ جولعا شىقتى.
