ماقتاارال اۋدانىندا سۋ تاسقىنىنان زارداپ شەككەن بەس اۋىلدىڭ 5,3 مىڭ تۇرعىنىنا 100 مىڭ تەڭگەلٸك قارجىلاي كٶمەك بەرٸلدٸ, دەپ حابارلايدى "ۇلت اقپارات" وبلىستىڭ ٶڭٸرلٸك كوممۋنيكاتسييالار قىزمەتٸنە سٸلتەمە جاساپ.
تٷركٸستان وبلىسىنىڭ ماقتاارال اۋدانىنداعى سۋ تاسقىنىنان زارداپ شەككەن جاڭاتۇرمىس, جەڭٸس, فيرداۋسي, دوستىق, ٶرگەباس ەلدٸمەكەندەرٸنٸڭ تۇرعىندارىنا ٷكٸمەت تاراپىنان بەرٸلەتٸن 100 مىڭ تەڭگەلٸك قارجىلاي كٶمەككە 6 347 تۇرعىن قۇجات تاپسىرعان. ونىڭ 5 356-سىنىڭ ٶتٸنٸشٸ ماقۇلدانىپ, ەسەپشوتتارىنا جالپى 535,6 ملن تەڭگە اۋدارىلدى. بۇل تۋرالى تٷركٸستان وبلىسى بويىنشا قازاقستان حالقى اسسامبلەياسى تٶراعاسىنىڭ ورىنباسارى عاني رىسبەكوۆ مەلٸمدەدٸ.
ونىڭ ايتۋىنشا, قالعان 911 ادامنىڭ قۇجاتى تولىق بولماۋىنا بايلانىستى تيٸستٸ كٶمەكتٸ الماعان.
«قازٸرگٸ تاڭدا تٶتەنشە جاعدايدان زارداپ شەككەندەرگە قارجىلاي كٶمەك بەرٸلٸپ جاتىر. انىقتاۋ جۇمىسى كەزٸندە 146 ازاماتتىڭ قۇجاتى تيٸستٸ ەكٸمدٸكتٸڭ تاراپىنان راستالدى. ال, 62 ازاماتتىڭ قۇجاتى قايتالانسا, 4 ادام باسقا ەلدٸڭ ازاماتى بولىپ شىققان. سونداي-اق, 779 ازاماتتىڭ قۇجاتى كوميسسييانىڭ قاراۋىنان قايتا ٶتەتٸن بولادى», - دەدٸ عاني رىسبەكوۆ.
بۇدان بٶلەك, توپان سۋدىڭ زاردابىن كٶرگەن 5 205 وتباسىعا كەسٸپكەر ەلٸشەر ۋسمانوۆتىڭ قورىنان ەربٸر جانۇياعا 1 000 اقش دوللارى بەرٸلگەن. بٷگٸندە دەل وسىنداي كٶمەك الۋى تيٸس قوسىمشا 120 وتباسى انىقتالىپ وتىر. نەتيجەسٸندە 5316 وتباسىنىڭ ەسەپشوتىنا 2 206 724 760 تەڭگە جٸبەرٸلدٸ.
وسى سيياقتى قارجىلاي قولداۋعا يە بولعان جاننىڭ بٸرٸ فيرداۋسي اۋىلىنىڭ تۇرعىنى فينايات فايزيەۆ. ول قيىندىققا تاپ بولعان ازاماتتارعا كٶمەك قولىن سوزعاندارعا العىس ايتتى.
«اۋىلىمىزدى توپان سۋ باسقان كٷننەن باستاپ, بٸزگە ەرتٷرلٸ كٶمەك كٶرسەتٸلٸپ كەلەدٸ. مىسالى, ٷيسٸز قالعان كەزدە تٷگەل اۋىلدى ۋاقىتشا ەۆاكۋاتسييالىق ورتالىققا اپارىپ جايعاستىردى. ازىق-تٷلٸك, كيٸم-كەشەك, باسقا دا قاجەتتٸ زاتتارمەن قامتاماسىز ەتتٸ. ودان بٶلەك, ەكٸمدٸكتٸڭ قولداۋىمەن اۋىلدى قوقىستان تازارتىپ الدىق. مٸنە, بٷگٸندە 17 ملن تەڭگەنٸڭ 50 پايىزىن اۋدارىپ بەردٸ. سول قارجىعا باسپانامىزدى سالىپ جاتىرمىز. قالعانىن ٷيدٸڭ شاتىرىن جاۋىپ بولعان سوڭ اۋداراتىن بولدى. كەيبٸر قۇرىلىس ماتەريالدارىن تەگٸن دە جەتكٸزٸپ بەرٸپ جاتىر. وسىنداي كٶمەككە ۇيىتقى بولىپ وتىرعان مەملەكەت باسشىسى مەن وبلىس ەكٸمٸنە جەنە بارشا حالىققا العىس ايتقىمىز كەلەدٸ», - دەدٸ ف.فايزيەۆ.
