ماقتاارال اۋدانىن جاڭبىر سۋىنان تازارتۋ جۇمىستارى جالعاسۋدا. بۇل ماقساتتا جەكە قۇرامنان 198 ادام مەن 27 ارنايى تەحنيكا جۇمىلدىرىلعان, دەپ حابارلايدى قازاقپارات تٸلشٸسٸ.
جەرگٸلٸكتٸ مەملەكەتتٸك ورگاندار مەن وبلىستىق, اۋداندىق تٶتەنشە جاعدايلار قىزمەتٸنە تيەسٸلٸ 63 بٸرلٸك موتوپومپا جەنە جەكە كەسٸپكەرلەر, اۋدان تۇرعىندارىنا تيەسٸلٸ 150-دەن استام سۋ سورۋ قۇرالدارى جاڭبىر سۋىن سىرتقا اعىزىپ جاتىر.
ۇزىندىعى 12 شاقىرىمعا جۋىق ارىق-اتىزدار قازىلىپ جەنە تازالانىپ, قازٸرگٸ جاعداي بويىنشا 58050 تەكشە مەتر سۋ اۋماقتاردان شىعارىلدى.
قازٸرگٸ كەزدە اۋداننىڭ ٸرٸ كوللەكتورلارىندا سۋدىڭ دەڭگەيٸ ايتارلىقتاي تٷسكەنٸ بايقالادى. جەتٸ كوللەكتوردا دا سۋ دەڭگەيٸ تٶمەندەگەن.
بٷگٸن اۋداندىق تٶتەنشە جاعدايلاردىڭ الدىن الۋ جەنە جويۋ جٶنٸندەگٸ شتابتىڭ كەزەكتٸ وتىرىسى ٶتتٸ. مەجٸلٸسكە وبلىستىق تٶتەنشە جاعدايلار دەپارتامەنتٸنٸڭ باستىعى, پولكوۆنيك نۇرعالي جٷنٸسوۆ قاتىستى.
جيىن بارىسىندا بەكٸتٸلگەن كەستە بويىنشا شتاب مٷشەلەرٸ ٶزدەرٸنە تيەسٸلٸ جۇمىستاردىڭ بارىسى تۋرالى بايانداپ, ەلدٸمەكەندەردەگٸ احۋال تۋرالى ايتىلدى. قازٸرگٸ تاڭدا جاعداي تۇراقتالعان. دەگەنمەن, اۋدانعا قاراستى ماقتاارال اۋىلدىق وكرۋگٸنٸڭ كەيبٸر ەلدٸمەكەندەرٸندە جاعداي ەلٸ دە كٷردەلٸ. وسىعان بايلانىستى اۋدان باسشىسى تاراپىنان سۋ تارتۋ, ونى قاشىرتۋ جۇمىستارىن بەسەڭسٸتپەۋ كەرەكتٸگٸ ايتىلدى.
پولكوۆنيك ن.جٷنٸسوۆ تۇرعىندارعا تٷسٸندٸرۋ جۇمىستارىن كٷشەيتۋ كەرەكتٸگٸن ايتتى. مەسەلەن, كەنتتەر مەن وكرۋگتەرگە بٶلٸنگەن موتوپومپالار ارقىلى ەڭ بٸرٸنشٸ كەزەكتە ەلەۋمەتتٸك جاعدايى تٶمەن وتباسىلارعا جەنە ٷيٸنە كٸرٸپ-شىعۋ مٷمكٸندٸگٸ جوق تۇرعىندارعا كٶمەكتەسۋ كەرەكتٸگٸن جەتكٸزدٸ. دەپارتامەنت باستىعى تٸك درەناجدى ۇڭعىمالاردىڭ تۇراقتى جۇمىس ٸستەۋٸن قامتاماسىز ەتۋ كەرەكتٸگٸن ايتىپ, سالا ماماندارىنا تاپسىرمالار بەردٸ.
ايتا كەتەيٸك, ماقتاارال اۋدانىندا ناۋرىز ايىنىڭ باسىنان بەرٸ تولاسسىز جاۋعان جاڭبىردىڭ سالدارىنان بٸرنەشە ەلدٸمەكەندەردە كٶشەلەر مەن ٷي اۋلۋلارىن سۋ باسۋ جاعدايلارى ورىن العان بولاتىن. قازٸرگٸ تاڭدا احۋال تۇراقتالعانىمەن اۋداندىق تٶتەنشە جاعدايلاردىڭ الدىن الۋ جەنە جويۋ جٶنٸندەگٸ شتاب جۇمىسىن جالعاستىرا بەرمەك.
