تٷركٸستان وبلىسى ماقتاارال اۋدانىنىڭ ەكٸ اۋىلىن سۋ باستى, - دەپ حابارلايدى ٶڭٸرلٸك كوممۋنيكاتسييالار قىزمەتٸ.
بٷگٸن, 2 مامىر تاڭعى ساعات 04:30-دا ماقتاارال اۋدانىنىڭ شەكاراسىنداعى ورتالىق دالالىق كوللەكتورىنان (ٶتكٸزۋ قۋاتى - سەكۋندىنا 120 تەكشە مەتر) سۋ تٶگٸلٸپ, جەڭٸس جەنە جاڭا تۇرمىس اۋىلدارىن سۋ الىپ كەتكەن.
«سونداي-اق وبلىستىق مەندەگٸ «مىرزاكەنت - جەڭٸس - جاڭا تۇرمىس» تاسجولىن سۋ باسقان. كٶلٸك جٷرۋٸ مٷمكٸن ەمەس» دەلٸنگەن حابارلامادا.
قازٸرگٸ تاڭدا اپاتتىق-قۇتقارۋ جۇمىستارى جٷرٸپ جاتىر.
ايتا كەتەيٸك, بۇعان دەيٸن جاڭا تۇرمىس, جەڭٸس, نۇرلى جول ەلدٸ مەكەندەرٸنٸڭ تۇرعىندارى اۋدان ورتالىعى مىرزاكەنتتە ورنالاسقان مىرزاكەنت مەكتەپ-گيمنازيياسىنا (600 ورىن), س.راحىموۆ اتىنداعى جالپى ورتا مەكتەبٸنە (700 ورىن), پۋشكين (400 ورىن), ابىلايحان ورتا مەكتەپتەرٸنە (500 ورىن) ەۆاكۋاتسييالانىپ, وعان 6 اۆتوبۋس جۇمىلدىرىلعان بولاتىن.
ماقتاارال اۋدانىنىڭ ەكٸمٸ, اۋداندىق تٶتەنشە جاعداي شتابىنىڭ تٶراعاسى باقىت اسانوۆتىڭ تٶراعالىعىمەن 2 مامىر تٷنگٸ 00:00-دە ارنايى جيىن ٶتٸپ, تٶتەنشە جاعداي جارييالاۋ جٶنٸندە تاپسىرما بەرٸلدٸ.
ەسكە سالا كەتەيٸك, كەشە ٶزبەكستاندا ساردوبا سۋ قويماسىنىڭ بٶگەتٸ جارىلىپ, ەلدٸ مەكەندەر, كوممۋنيكاتسييالىق جەلٸلەر مەن ەگٸستٸكتەرگە زاقىم كەلگەن بولاتىن.
