ٶنەر قايراتكەرلەرٸ مەن ەلەۋمەتتٸك جەلٸ قولدانۋشىلارى ەنشٸ ماقپال جٷنٸسوۆاعا قولداۋ بٸلدٸرٸپ, جازبالار ارنادى. ايتا كەتەيٸك, ەنشٸ Instagram پاراقشاسىندا ٶمٸردەن شارشاعانى تۋرالى ۆيدەولار جارييالاپ, كەيٸن ٶشٸرٸپ تاستاعان. جۇرت ونى ٸشٸمدٸك ٸشكەن دەپ توپشىلادى.
الايدا كٶپشٸلٸك قازاقتىڭ ەركە قىزىنا بەرٸن كەشٸرۋگە بولادى دەپ ەسەپتەيدٸ.
بلوگەر سەرٸك حاسەنوۆ ماقپال جٷنٸسوۆانى سٶگەتٸندەرگە تاڭعالاتىنىن جازدى. ايتۋىنشا, ماقپال سيياقتى بولا الماعانى ٷشٸن ٶمٸرگە ٶكپەلٸ ادامدار عانا ونى سٶگەدٸ.
"ماقپال جٷنٸسوۆانى ەنشٸ ەمەس دەگەندەردٸڭ قۇلاعى كەرەڭ نە تالعامدارىندا پروبلەما بار...
ماقپال حانىمنىڭ ٶجەتتٸلٸگٸنە ريزامىن ٶزٸم. ٶمٸردٸڭ نەبٸر قيياناتى مەن قىسپاعىنا شىداپ كەلە جاتىر... ٶمٸرٸ ٶز اۋزىمەن ايتا المايتىن ٸشٸندە ٶلٸپ بارا جاتقان سۇمدىق پەن شىندىعى بار...
ٶسەك پەن جالا كٸمدٸ بولسىن قاجىتادى... جٷرەگٸ نەزٸك ەيەل زاتىنا ول تٸپتٸ اۋىر تيٸپ جاتادى...
كٷيەۋٸڭدٸ اتىپ كەتٸپ, ٶلٸمٸن سەنەن كٶرەدٸ... ٶنەر جولىڭداعى ەسٸكتەر تارس جابىلادى... سۇلۋ, ٶنەرلٸ, قىلىقتى ەيەلدٸڭ قىرىقتا جەسٸر قالۋ قاسٸرەتٸن ايتۋدا قيىن... باسقان ٸزٸڭ اڭدۋلى, بٸر اعات ادىم جاساساڭ بٷكٸل حالىق نازارىنداسىڭ...
ماقپال حانىمنىڭ قىزىق پەن قاسٸرەتكە تولى تاعدىرىنىڭ بٸزگە مەلٸم سىرلارىنىڭ ٶزٸ ادامدى مۇڭايتپاي قويمايدى... ال ماقپال حانىمنىڭ ٸشٸندە نە بولىپ جاتقانىن ايتپاق تٷگٸلٸ, ەلەستەتۋ قيىن... بٸزگە بەيمەلٸم سىرلارى قانشاما... ايتا الاتىنى بار, ايتا المايتىنى بار...
بٸر ادامنىڭ وسىنشا جٷكتٸ ارقالاپ الىپ, تاعدىر جولىندا مويىنسۇنباي ارپالىسىپ كەلە جاتقانىن كٶرٸپ باسىڭدى قالاي عانا يمەيسٸڭ...
ٸشٸپتٸ دەيدٸ... نەگە ٸشپەۋٸ كەرەك? ٶز ەركٸ عوي... ماقپال حانىم ٸشە تٷسٸڭٸز... سٸزگە ۇزاق عۇمىر تٸلەيمٸن... شەرٸڭٸز تارقاسىن...
ٶجەت, قايسار, مٸنەزدٸ, نەزٸك, سۇلۋ, قىلىقتى ماقپال حانىم... سٸزدٸڭ عۇمىر ٷلكەن مايدان! سودان ادامدىق قالىبىڭىزدى بۇزباي ۇستاپ كەلە جاتقان ەرلٸگٸڭٸزدٸڭ لايىقتى باعاسىدا بٸر كٷنٸ بەرٸلەر... ٶنەرٸڭٸزدٸڭ دە, ٶزٸڭٸزدٸڭ دە الدىڭىزدا باسىمدى يدٸم!", - دەپ جازدى بلوگەر.
ىقىلاس وجايۇلى ەسٸمدٸ جەلٸ قولدانۋشىسى ماقپال جٷنٸسوۆادان قايراتكەر, يا يبالى نەزٸك ەيەل بەينەسٸن كٶرگٸسٸ كەلەتٸن ادام وڭباي قاتەلەسەدٸ دەيدٸ.
"ول بار بولعانى كٸسٸ كەيپٸنە ۇلاسقان ەننٸڭ ٶزٸ عانا. ونىڭ تٷيەدەن تٷسكەندەي سٶيلەي سالاتىن, باسى بار دا اياعى جوق وراشولاق ويى – ەسكەن جەلدەي ەركە ەنشٸنٸڭ اقجەلەڭ كٶڭٸلٸ مەن ٸشكٸ تابيعاتىنىڭ نىشانى.
ماقپال – ٸشكٸ ەركٸندٸك پەن سانا بوستاندىعىنا شىن كٶتەرٸلگەن ادام. ونىڭ تٸك شاپشىعان بايتاق داۋىسى مەن ەر نوتانى سورعالاتقان نەزٸك دٸرٸلٸ سوپىنىڭ حال ٸشٸندەگٸ بەينە بٸر دەرگەيٸ دەرسٸڭ.
ماقپال سىيلايتىن رۋحاني لەززات مٸنەجات پەن كاتارسيسكە پار. ەندٸ مەتٸندٸك ەم نوتالىق شەڭبەردەن شىعارىپ, مانترا مەن ەكستاز دەڭگەيٸنە دەيٸن جەتكٸزگەن مۇنداي ٶنەرپازدى بۇرىن-سوڭدى ەش جەردەن ەستٸگەن ەمەسپٸن. سول ٷشٸن دە ماقپالدى قازاققا بەرە سالعان قۇدايعا مىڭ ماداعىمدى جاۋدىرامىن...", - دەپ جازدى ول.
جازۋشى بەيبٸت سارىباي دا ماقپال جٷنٸسوۆا اقتاۋعا زەرۋ ەمەس, ماقپال ەردايىم ٶز بيٸگٸندە, دەپ ەسەپتەيدٸ.
"ماقپالدى شىر-پىر بولىپ اقتاپ جاتقانداردى تٷسٸنەمٸن. ماقپالدى اقتاماڭدار! كٸمنەن قورعاپ ەلەك بولىپ جاتىرسىڭدار? ول – ماقپال عوي. بەرٸمٸز بٸلەمٸز, تٷسٸنەمٸز, جاقسى كٶرەمٸز. توبىر دەۋگە اۋزىم بارمايدى, قوعامدا سونداي بٸر سلوي بار. سولار تاراتىپ, جازىپ جاتقان شىعار. ولارعا كەرەگٸ دە سول. شيبٶرٸلەر عوي. تالاعاندى جاقسى كٶرەدٸ. ولارعا بٸز سەنٸپ قالمايمىز عوي. كٸم نە دەسە دە ماقپال ٶز بيٸگٸندە, بٸز بٸلەتٸن بيٸگٸندە قالا بەرمەك.
«ٶلە بەرسٸن كٷنشٸلدەر كٷيٸگٸندە,
ٶز عاسىرىم ٶزٸمنٸڭ يٸنٸمدە.
اق جاڭبىرلار توزدىرعان تاۋ سيياقتى,
مەن ٶلەمٸن ٶزٸمنٸڭ بيٸگٸمدە». تٶلەگەن.
ماقپال شەڭبەردەن شىعىپ كەتكەن ادام. مۇقاعالي فاريزانى ەكٸ يىعىنان ۇستاپ تۇرىپ: «شەڭبەردەن شىق»,-دەگەن ەكەن. ونى كەيٸن كٶرنەكتٸ اقىن يسرايىل ساپارباي كەرەمەت ٶلەڭ قىلىپ ٶردٸ. وقىپ كٶرٸڭٸز.
«شەڭبەردەن شىق! –
دٷنيە شەڭبەرٸنەن!
جاراسپايدى اقىنعا جەردە جٷرگەن.
ەكٸ بٸردەي اياعىن ەربەڭدەتٸپ,
بوسانباي ما بٶبەك تە جٶرگەگٸنەن?!
شەڭبەردەن شىق!
سٶزٸمدٸ نامىس كٶرمە.
زاپىران جۇتىپ,
قايتەسٸڭ زار ٸشكەندە?
كٸندٸگٸنەن بايلانعان جەر-اناعا
شەڭبەرٸنەن شىعادى عارىشكەر دە!
شەڭبەردەن شىق! –
شەبٸنەن ٶرمەكشٸنٸڭ.
كٸمگە كەرەك شەرمەندە شەرلٸ ٶكسٸگٸڭ?
مەن كٶكسەگەن كٶكتە بٸر قۇدٸرەت بار,
سول كيەدەن ٶزٸڭدٸ كٶرمەكشٸمٸن.
شەڭبەردەن شىق!
تەنتەك قىز, تەكتٸ قۇربىم!
بەيمəلٸم بٸر əلەمگە بەتتٸ بۇرعىن.
وڭاشامەن دوس بولماي, كٶرمەيمٸسٸڭ,
تاماشامەن تاعى دا ٶتتٸ بٸر كٷن.
شەڭبەردەن شىق!
شىعىپ كەت شەكتەن بىلاي!
Əدٸرەم قالسىن ٶلەڭسٸز ٶتكەن كٷن, اي!
باتىرلاردىڭ دəۋ پٸرٸ – دييۋ بولسا,
اقىنداردىڭ əۋپٸرٸ – كٶك پەن قۇداي!
شەڭبەردەن شىق!
فاريزا, شەڭبەردەن شىق!
سەرٸك ٸزدەپ قايتەسٸڭ سەرگەلدەڭسٸپ?
تٷۋ بيٸككە شارىقتا!
ال سونان سوڭ...
ەكٸ كەزدەي تابارسىڭ جەردەن مەنشٸك...
شەڭبەردەن شىق,
فاريزا, شەڭبەردەن شىق!»
ويپىرماي ۇيات ٸزدەپ وتىرعان ەلگٸلەردٸڭ قىلىعىنىڭ ٶزٸ ۇياتسىزدىق ەمەس پە? ماقپال باسقالارىمىزداي ەكٸجٷزدٸ ەمەس. ونىڭ بٸر عانا بەينەسٸ بار. ول ەشقايىسسىمىزدىڭ قولىمىز جەتپەگەن, كٶكسەي بەرەتٸن ەركٸندٸككە شىققان. ول ەركٸن ادام. ەشكٸمگە, ەشتەڭەگە تەۋەلدٸ ەمەس. ماقپال يمام با ەدٸ, ۇستاز با ەدٸ? ويباي, ماما دەپ شوشيتىنداي. ول ناعىز شىعارماشىلىق ادامى. شىعارماشىلىق ادامى سونداي «تەرتٸپسٸز» بولۋ كەرەك. بٸر سٶزبەن ايتقاندا ماقپال ناعىز ٶنەر ادامى. ٶنەر ادامى جايىندا ەسەنقۇلدان اسىرىپ كٸم نە جازا العانداي:
بٸزدەر, بٸزدەر پاتشادان دا پاڭدارمىز,
بٸزدەر, بٸزدەر بٸرەۋلەرگە ارمانبىز.
باردى بار دەپ, جوقتى جوق دەپ جاسىرماي,
باقىتىنان قاشىپ جٷرگەن جاندارمىز.
بٸرەۋلەردٸڭ وعى جوق بوپ اتارعا,
بٸزدەر جٷرمٸز قاتەرلٸ بٸر ساپاردا.
جىرتىعىڭدى جاماپ بەرٸپ جاتسا دا,
ەشكٸم بٸزدٸ قوسا المايدى قاتارعا.
الدىمىزدا جالت-جۇلت ەتٸپ وت شىراق,
ەنە-مٸنە باق قونارداي بوپ تۇراد.
جالپى ماقتاپ جانى قالماي جاتسا دا,
ەشكٸم بٸزدٸ شىن تٷسٸنگەن جوق, بٸراق.
جانىمىزعا بەرمەي ەشبٸر تىنىشتىق,
كٶپشٸلٸكپەن كٶپ جٷرۋگە تىرىستىق.
بار ەكەنٸن ماحابباتتىڭ, شىندىقتىڭ,
بارشا ادامعا سەندٸرۋگە تىرىستىق.
بٸزگە عاشىق ۇياتتى قىز شىبىق بەل,
بٸزگە عاشىق جانى جايساڭ جٸگٸتتەر.
بٸز جٷرگەن جەر ٷلبٸرەگەن ٷمٸتتەر,
بٸز جٷرگەن جەر اق نيەتتٸ بٷلٸكتەر.
بەرٸمٸز سول جالپى ماقتاۋدان اسا المايمىز. ەشكٸم ونى شىن تٷسٸنگەن جوق. ماقپال تٷسٸنٸڭدەرشٸ دەپ تە جاتقان جوق. جانىنا تىنىشتىق قوي, ونىڭ", - دەپ جازدى بەيبٸت سارىباي.
