اتىراۋ وبلىسىنىڭ ەكٸمٸ ماحامبەت دوسمۇحامبەتوۆ كوروناۆيرۋس ينفەكتسيياسى بويىنشا سانيتارلىق-ەپيدەميياعا قارسى ٸس-شارالاردى ۇيىمداستىرۋ جٶنٸندەگٸ ٶڭٸرلٸك شتاب كوميسسيياسىنىڭ وتىرىسىن ٶتكٸزدٸ, دەپ حابارلايدى "ۇلت اقپارات".
وبلىس كٶلەمٸندە اتقارىلىپ جاتقان قاۋٸپسٸزدٸك شارالارى, بۇعان دەيٸن بەرٸلگەن تيٸستٸ تاپسىرمالاردىڭ ورىندالۋ بارىسى تۋرالى وبلىستىق دەنساۋلىق ساقتاۋ باسقارماسىنىڭ باسشىسى بايتوللا عازيزوۆ باياندادى.
«دٷنيەجٷزٸلٸك دەنساۋلىق ساقتاۋ ۇيىمى كوروناۆيرۋستى رەسمي تٷردە (ٸندەت) پاندەمييا دەپ جارييالادى. وسىعان بايلانىستى قر پرەمەر-مينيسترٸنٸڭ ورىنباسارى ەرالى توعجانوۆ بٸرقاتار ناقتى تاپسىرما بەرگەن ەدٸ. سوندىقتان, وبلىسىمىزدا دا ساقتىق شارالارىن ارتتىرۋ ٷشٸن بٸراز ٸس-شاراعا تىيىم سالامىن. بۇعان بارشاڭىز تٷسٸنٸستٸكپەن قارايدى دەپ سەنەمٸن», - دەدٸ وبلىس ەكٸمٸ ماحامبەت دوسمۇحامبەتوۆ.
ەكٸم تىيىم سالىنعان بٸرنەشە شارانى ايتتى.
«بٸرٸنشٸدەن, 13 ناۋرىزدان باستاپ بارلىق كٶپشٸلٸك ٸس-شارالار, سونىڭ ٸشٸندە مەرەكەلٸك, مەدەني-كٶپشٸلٸك, سپورتتىق شارالار, كينوتەاترلاردا كٶرسەتٸلٸم, كونفەرەنتسييالار, سەمينارلار مەن كٶرمەلەر ٶتكٸزۋ توقتاتىلسىن.
ەكٸنشٸدەن, بارلىق قوعامدىق ورىندار, دەنساۋلىق ساقتاۋ, بٸلٸم بەرۋ, حالىققا قىزمەت كٶرسەتۋ ورتالىقتارى, حالىق كٶپ جينالاتىن ورىندار, قوعامدىق تاماقتانۋ ورىندارى, بازارلار, ساۋدا ٷيلەرٸ, ۆوكزال, ەۋەجايلار, قوناقٷيلەر كٷشەيتٸلگەن سانيتارلىق - دەزينفەكتسييالىق رەجٸمگە كٶشٸرٸلسٸن.
ٷشٸنشٸدەن, كانيكۋل كەزٸندە وقۋشىلاردىڭ ٶڭٸردەن تىس جەرلەرگە ەكسكۋرسييا جاساۋىنا تىيىم سالىنسىن.
تٶرتٸنشٸدەن, قوعامدىق كٶلٸكتەر تازالانىپ, دەزينفەكتسييالاۋدان ٶتكٸزٸلسٸن.
بەسٸنشٸدەن, ورتا بٸلٸم بەرۋ ۇيىمدارىنىڭ كانيكۋلعا 2020 جىلدىڭ 16 ناۋرىزىنان 5 سەۋٸر ارالىعىندا شىعۋى قامتاماسىز ەتٸلسٸن. 16 ناۋرىزدان باستاپ كوللەدج جەنە جوعارى وقۋ ورىندارى قاشىقتىقتان وقىتۋعا, سونىڭ ٸشٸندە بٸلٸمدٸ باعالاۋدىڭ بارلىق تٷرلەرٸن قاشىقتىقتان جٷرگٸزۋگە اۋىستىرىلسىن.
التىنشىدان, 1ا, 1ب, 2-3 ساناتتاعى ەلدەردە ٶتەتٸن حالىقارالىق سپورتتىق, مەدەني جەنە تۋريستتٸك ٸس-شارالارعا بارۋعا تىيىم سالىنسىن», -دەپ اتاپ ٶتتٸ ٶڭٸر باسشىسى.
