قازاقستان مۇسىلماندارى دٸني باسقارماسى (قمدب) نەكەنٸڭ شاريعاتتاعى نەگٸزگٸ شارتتارىن تٷسٸندٸرٸپ, ەكٸ تاراپتىڭ ٶزارا كەلٸسٸمٸ نەكە قييۋدىڭ باستى تالابى ەكەنٸن مەلٸمدەدٸ, دەپ حابارلايدى ult.kz.
قمدب مەلٸمەتٸنشە, ەكٸ جاقتىڭ رازىلىعى بولماسا, نەكە زاڭسىز ەرٸ دۇرىس بولىپ ەسەپتەلمەيدٸ. سونىمەن قاتار, نەكە قييۋ كەزٸندە ٷيلەنۋشٸ تاراپتاردىڭ ۇسىنىسى مەن كەلٸسٸمٸ انىق ايتىلىپ, بٸر ۋاقىتتا جەنە بٸر جەردە جارييا ەتٸلۋٸ قاجەت.
دٸني باسقارما نەكەنٸڭ بٸرنەشە نەگٸزگٸ شارتى بار ەكەنٸن اتاپ ٶتتٸ. اتاپ ايتقاندا, قىزدىڭ اتا-اناسىنىڭ نەمەسە شاريعي قامقورشىسىنىڭ رۇقساتى بولۋى, نەكە قييۋ رەسٸمٸنە تالاپقا ساي كۋەگەرلەردٸڭ قاتىسۋى, قالىڭدىققا بەرٸلەتٸن مەھردٸڭ بەلگٸلەنۋٸ جەنە نەكەگە كەدەرگٸ كەلتٸرەتٸن تۋىستىق نەمەسە دٸني سەبەپتەردٸڭ بولماۋى مٸندەتتٸ.
"مەھر – ەر ادامنىڭ نەكە قيىلۋ بارىسىندا قالىڭدىققا ٶز ريزاشىلىعىمەن بەرەتٸن شاريعي سىيى. حانافي مەزھابىندا مەھردٸڭ ەڭ تٶمەنگٸ شەگٸ 10 ديرحام. ساحابالار ٶمٸر سٷرگەن زاماندا 10 ديرحام بٸر التىن دينارعا تەڭ بولعان. بۇل قازٸرگٸ ٶلشەممەن 4,25 گرامم التىن نەمەسە سوعان تەڭ كەلەتٸن اقشالاي قاراجاتقا (نارىقتاعى قۇنىنا) سەيكەس كەلەدٸ. مەھردٸڭ مٶلشەرٸن ەر ازاماتتىڭ ماتەريالدىق مٷمكٸندٸگٸنە قاراپ, وتباسىنىڭ ەلەۋمەتتٸك جاعدايىن ەسكەرە وتىرىپ ايتقان جٶن. ٶيتكەنٸ مەھر كٷيەۋ جٸگٸتتٸ قارىزعا باتىراتىنداي كٶپ نەمەسە قىزدىڭ كٶڭٸلٸن قالدىراتىنداي از بولماۋى كەرەك. مەھردٸ بٸردەن بەرۋگە شاماسى جەتپەسە, ونىڭ بٸر بٶلٸگٸن الدىن الا (مەھر مۋعاججەل) بەرٸپ, قالعانىن كەيٸن (مەھر مۋەججەل) بەرۋٸ", - دەلٸنگەن قمدب مەلٸمدەمەسٸندە.
سونداي-اق دٸني باسقارما حالقىمىز مۇنداي تالاپتار ساقتالعان نەكەنٸ «ادال نەكە» نەمەسە «اق نەكە» دەپ اتاعانىن ەسكە سالدى.
بۇعان قوسا, قمدب سوڭعى جىلدارى قوعامدا «ازاماتتىق نەكە» اتاۋىمەن ەشقانداي زاڭدىق نەمەسە شاريعي رەسٸمسٸز بٸرگە تۇرۋدىڭ كٶبەيٸپ كەلە جاتقانىنا نازار اۋداردى. دٸني باسقارمانىڭ مەلٸمدەۋٸنشە, مۇنداي ۋاقىتشا قاتىناستار يسلام دٸنٸندە دە, قازاقتىڭ ۇلتتىق دەستٷرٸندە دە قۇپتالمايدى.
