ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ قر ەكٸمشٸلٸك قۇقىق بۇزۋشىلىق تۋرالى كودەكسٸنە ەكولوگييا مەسەلەلەرٸ بويىنشا قانداي ٶزگەرٸستەر مەن تولىقتىرۋلار ەنگٸزۋ كەرەكتٸگٸن ايتتى, دەپ حابارلايدى قازاقپارات.
ەكٸمشٸلٸك قۇقىق بۇزۋشىلىق تۋرالى كودەكسكە ٶزگەرٸستەر مەن تولىقتىرۋلار ەنگٸزۋ تۋرالى مينيستر پارلامەنت مەجٸلٸسٸندە تولىعىراق ايتىپ بەردٸ.
«نەگٸزٸ پروفيلاكتيكالىق تەكسەرۋلەر جىلىنا بٸر رەتتەن كٶپ ٶتكٸزٸلمەيدٸ. سونىڭ سالدارىنان تەكسەرٸس كەزٸندە بٸر نەمەسە ودان كٶپ جىل بۇرىن جاسالعان قۇقىقبۇزۋشىلىقتارى انىقتالعان كەسٸپورىندار تيٸستٸ جازادان قۇتىلىپ كەتٸپ جاتادى. تاعى بٸر ايتا كەتەرلٸگٸ, تەجٸريبە كٶرسەتٸپ وتىرعانداي, كەيبٸر ٸرٸ كەسٸپورىندار جٷيەلٸ تٷردە جىل سايىن بٸر قۇقىقبۇزىشۋلىققا بٸرنەشە رەت جول بەرەدٸ. وسىعان وراي زاڭ جوباسىندا 3 جىلدىڭ ٸشٸندە ەكولوگييالىق زاڭنامانى جٷيەلٸ بۇزاتىن ٸرٸ كەسٸپورىندارعا قاتىستى نەعۇرلىم قاتاڭ جازا قولدانۋ قاراستىرىلعان», - دەدٸ ماعزۇم مىرزاعاليەۆ.
مينيستردٸڭ ايتۋىنشا, نەگٸزٸ اتالعان نورما قازٸر دە بار, بٸراق ەسكٸرۋ مەرزٸمٸ بٸر جىل بولعاندىقتان رەتسيديۆ ينستيتۋتى ٸسكە اسپاي جاتىر.
«بۇل ٶز كەزەگٸندە ٸرٸ كەسٸپورىندى جٷيەلٸ قۇقىقبۇزۋشىلىقتار جاساماۋعا ىنتالاندىرمايدى. وسىعان بايلانىستى مەرزٸم 3 جىلعا دەيٸن ۇزارتىلدى. قورشاعان ورتانى قورعاۋ سالاسىنداعى ەكٸمشٸلٸك قۇقىقبۇزۋشىلىق ٷشٸن بەلگٸلەنەتٸن ايىپپۇلداردى ۇلعايتۋعا باستى سەبەپشٸ بولعان جايت - تابيعات پايدالانۋشىلاردىڭ قورشاعان ورتانىڭ لاستانۋىنا جول بەرمەۋ بويىنشا شارالاردى تولىققاندى ورىنداماۋى جەنە قاجەتتٸ مودەرنيزاتسييانى جٷزەگە اسىرماۋى. نەگٸزٸ قازٸرگٸ ەكٸمشٸلٸك ايىپپۇلدار ىنتالاندىرۋ تەتٸگٸ بولا الماي تۇر. بٸر سٶزبەن ايتساق, تابيعات پايدالانۋشىلارى ٷشٸن قۇقىقبۇزۋشىلىق پەن جٸبەرگەن ولقىلىقتاردى جويۋدىڭ ورنىنا ايىپپۇل تٶلەۋ ەلدەقايدا تيٸمدٸرەك», - دەدٸ ول.
مينيسترلٸك سول سەبەپتٸ ەكولوگييالىق قۇقىقبۇزۋشىلىقتار ٷشٸن سانكتسييالاردى قاتاڭداتۋ كٶزدەۋدە. مىسالى قورشاعان ورتاعا نورماتيۆتەن تىس جەنە رۇقساتسىز ەميسسييالار ٷشٸن ەكٸمشٸلٸك سانكتسييالاردىڭ مٶلشەرٸ 10 ەسە, ال قالعان قۇقىقبۇزۋشىلىقتار بويىنشا ورتا ەسەپپەن 2 ەسە ۇلعايادى.
ايتا كەتسەك بٷگٸنگٸ پارلامەنت مەجٸلٸسٸنٸڭ وتىرىسىندا ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ەكولوگييالىق كودەكسٸنٸڭ جوباسىن قورعاعان بولاتىن.
