ماگيستراتۋراعا بٸلٸم بەرۋ گرانتتارىن تاعايىنداۋ كونكۋرسىنا قاتىسۋ ٷشٸن قۇجاتتاردى قابىلداۋ 10 جەلتوقساندا باستالىپ, 14 جەلتوقسانعا دەيٸن جالعاسادى. ٶتٸنٸمدٸ جوعارى وقۋ ورىندارىنىڭ ۆيرتۋالدى قابىلداۋ كوميسسييالارى ارقىلى بەرۋ كەرەك, دەپ حابارلايدى "ۇلت اقپارات" قر بٸلٸم جەنە عىلىم مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ەستەرٸڭٸزگە سالا كەتەيٸك, بۇعان دەيٸن بٸلٸم جەنە عىلىم مينيسترلٸگٸ ەندٸ ٷمٸتكەرلەر جىلىنا ەكٸ رەت ماگيستراتۋرا مەن دوكتورانتۋراعا قۇجاتتار تاپسىرا الادى دەگەن شەشٸم قابىلداعان بولاتىن.
«وسىلايشا, قانداي دا بٸر سەبەپتەرگە بايلانىستى العاشقى قابىلداۋ ناۋقانىندا ٶتٸنٸش بەرۋگە مٷمكٸندٸگٸ بولماعان قازاقستاندىقتار كەشەندٸ تەستٸلەۋ تاپسىرۋعا جەنە ماگيستراتۋراعا تٷسۋگە تاعى بٸر مٷمكٸندٸك الدى. تەستتٸ سەتتٸ تاپسىرعان ٷمٸتكەرلەر جازعى قابىلداۋ نەتيجەلەرٸ بويىنشا تاعايىندالماعان گرانتتاردى جەڭٸپ الا الادى. ەستەرٸڭٸزگە سالا كەتەيٸن, ماگيستراتۋرادا وقۋعا ارنالعان بٸلٸم بەرۋ گرانتتارى كەشەندٸ تەستٸلەۋ نەتيجەلەرٸنە سەيكەس كونكۋرستىق نەگٸزدە بەرٸلەدٸ», – دەپ اتاپ ٶتتٸ قر بعم جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸنٸڭ ديرەكتورى ەدٸلەت تويباەۆ.
مەملەكەتتٸك بٸلٸم بەرۋ تاپسىرىسى بويىنشا جەنە اقىلى نەگٸزدە عىلىمي-پەداگوگيكالىق ماگيستراتۋراعا تٷسۋ ٷشٸن شەكتٸ بالل – 75, بەيٸندٸ ماگيستراتۋراعا تٷسۋ ٷشٸن 50 بالدى قۇرايدى.
قۇجاتتاردى تاپسىرۋ كەزٸندە وقۋعا تٷسۋشٸلەر بٸلٸم بەرۋ باعدارلامالارىنىڭ بٸر توبىن جەنە ٷش جوعارى وقۋ ورنىن كٶرسەتەدٸ. ماگيستراتۋراعا بٸلٸم بەرۋ گرانتىن تاعايىنداۋ كونكۋرسى بيىل 15-22 جەلتوقسان ارالىعىندا, وقۋعا قابىلداۋ 2021 جىلعى 26 جەلتوقسان مەن 2022 جىلعى 10 قاڭتار ارالىعىندا ٶتەدٸ.
ەستەرٸڭٸزگە سالا كەتەيٸك, ماگيستراتۋراعا تٷسۋشٸلەر ٷش مىڭنان استام مەملەكەتتٸك بٸلٸم گرانتىنا ٷمٸتكەر بولا الادى. گرانتتاردىڭ باسىم بٶلٸگٸ «حيمييا» (172 گرانت), «ۆەتەرينارييا» (169), «مەحانيكا جەنە مەتالل ٶڭدەۋ» (156), «مەتاللۋرگييالىق ينجەنەرييا» (137), «قۇرىلىس ماتەريالدارىن, بۇيىمدارى مەن كونسترۋكتسييالارىن ٶندٸرۋ» (132), «ماتەريالتانۋ جەنە جاڭا ماتەريالدار تەحنولوگيياسى» (130) جەنە باسقا ماماندىقتار بويىنشا بٶلٸندٸ.
بٸلٸم بەرۋ باعدارلامالارىنىڭ توپتارى بٶلٸنٸسٸندە بٸلٸم بەرۋ گرانتتارىنىڭ سانى تۋرالى تولىق اقپارات ۇلتتىق تەستٸلەۋ ورتالىعىنىڭ سايتىندا ورنالاستىرىلعان.
ماگيستراتۋراعا گرانت يەگەرلەرٸنٸڭ تٸزٸمٸ ۇلتتىق تەستٸلەۋ ورتالىعىنىڭ سايتىندا, سونداي-اق قر بٸلٸم جەنە عىلىم مينيسترلٸگٸنٸڭ ەلەۋمەتتٸك جەلٸلەردە جارييالانادى.
