Magistratýraǵa bilim berý granttaryn taǵaiyndaý konkýrsyna qatysý úshin qujattardy qabyldaý 10 jeltoqsanda bastalyp, 14 jeltoqsanǵa deiin jalǵasady. Ótinimdi joǵary oqý oryndarynyń virtýaldy qabyldaý komissiialary arqyly berý kerek, dep habarlaidy "Ult aqparat" QR Bilim jáne ǵylym ministrliginiń baspasóz qyzmetine silteme jasap.
Esterińizge sala keteiik, buǵan deiin Bilim jáne ǵylym ministrligi endi úmitkerler jylyna eki ret magistratýra men doktorantýraǵa qujattar tapsyra alady degen sheshim qabyldaǵan bolatyn.
«Osylaisha, qandai da bir sebepterge bailanysty alǵashqy qabyldaý naýqanynda ótinish berýge múmkindigi bolmaǵan qazaqstandyqtar keshendi testileý tapsyrýǵa jáne magistratýraǵa túsýge taǵy bir múmkindik aldy. Testti sátti tapsyrǵan úmitkerler jazǵy qabyldaý nátijeleri boiynsha taǵaiyndalmaǵan granttardy jeńip ala alady. Esterińizge sala keteiin, magistratýrada oqýǵa arnalǵan bilim berý granttary keshendi testileý nátijelerine sáikes konkýrstyq negizde beriledi», – dep atap ótti QR BǴM Joǵary jáne joǵary oqý ornynan keiingi bilim departamentiniń direktory Ádilet Toibaev.
Memlekettik bilim berý tapsyrysy boiynsha jáne aqyly negizde ǵylymi-pedagogikalyq magistratýraǵa túsý úshin shekti ball – 75, beiindi magistratýraǵa túsý úshin 50 baldy quraidy.
Qujattardy tapsyrý kezinde oqýǵa túsýshiler bilim berý baǵdarlamalarynyń bir tobyn jáne úsh joǵary oqý ornyn kórsetedi. Magistratýraǵa bilim berý grantyn taǵaiyndaý konkýrsy biyl 15-22 jeltoqsan aralyǵynda, oqýǵa qabyldaý 2021 jylǵy 26 jeltoqsan men 2022 jylǵy 10 qańtar aralyǵynda ótedi.
Esterińizge sala keteiik, magistratýraǵa túsýshiler úsh myńnan astam memlekettik bilim grantyna úmitker bola alady. Granttardyń basym bóligi «Himiia» (172 grant), «Veterinariia» (169), «Mehanika jáne metall óńdeý» (156), «Metallýrgiialyq injeneriia» (137), «Qurylys materialdaryn, buiymdary men konstrýktsiialaryn óndirý» (132), «Materialtaný jáne jańa materialdar tehnologiiasy» (130) jáne basqa mamandyqtar boiynsha bólindi.
Bilim berý baǵdarlamalarynyń toptary bólinisinde bilim berý granttarynyń sany týraly tolyq aqparat Ulttyq testileý ortalyǵynyń saitynda ornalastyrylǵan.
Magistratýraǵa grant iegerleriniń tizimi Ulttyq testileý ortalyǵynyń saitynda, sondai-aq QR Bilim jáne ǵylym ministrliginiń áleýmettik jelilerde jariialanady.
