ماگيستراتۋراعا تٷسۋگە ارنالعان كەشەندٸ تەستٸلەۋگە قاتىسۋ ٷشٸن تٸركەۋ 18 ماۋسىم كٷنٸ باستالادى. تٸركەۋ ۇلتتىق تەستٸلەۋ ورتالىعىنىڭ app.testcenter.kz سايتىندا جٷرگٸزٸلەدٸ, دەپ حابارلايدى "ۇلت اقپارات".
«تٸركەۋ كەزٸندە تەستٸلەۋ ٶتكٸزٸلەتٸن ورىندى وقۋعا تٷسۋشٸ ٶزٸ تاڭدايدى. سونداي-اق ۇلتتىق تەستٸلەۋ ورتالىعىنىڭ سايتىندا بايقاۋ سىناعىنان ٶتۋگە بولادى. ەمتيحاندار 20 شٸلدەدەن باستالىپ, 10 تامىزعا دەيٸن جالعاسادى», – دەيدٸ قر بعم جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸنٸڭ ديرەكتورى ەدٸلەت تويباەۆ.
ماگيستراتۋراعا تٷسۋ فورماتىنا كەلەتٸن بولساق, بيىل ەشقانداي ٶزگەرٸس جوق. تەستٸلەۋ نەتيجەسٸمەن كەلٸسپەگەن جاعدايدا تەستٸلەنۋشٸ كت اياقتالعاننان كەيٸن 30 مينۋتتىڭ ٸشٸندە اپەللياتسيياعا ٶتٸنٸش بەرە الادى.
«ماگيستراتۋراعا تٷسۋگە ارنالعان تەستٸلەۋ 3 بٶلٸمنەن تۇرادى: شەت تٸلٸ بويىنشا تەست, وقۋعا دايىندىعىن انىقتاۋعا ارنالعان جەنە بٸلٸم بەرۋ باعدارلامالارى توبىنىڭ بەيٸنٸ بويىنشا تەست. شەت تٸلٸن مەڭگەرۋدٸڭ جالپى حالىقارالىق قۇزىرەتتەرٸنە (ستاندارتتارىنا) سەيكەس شەت تٸلٸن مەڭگەرگەنٸن راستايتىن بٸر حالىقارالىق سەرتيفيكاتى بار ماگيستراتۋراعا تٷسۋشٸلەر شەت تٸلٸ بويىنشا كەشەندٸ تەستٸلەۋدەن بوساتىلادى», – دەپ اتاپ ٶتتٸ ا.تويباەۆ.
ايتا كەتكەن جٶن, بيىل مەملەكەتتٸك بٸلٸم تاپسىرىسى بويىنشا ماگيستراتۋراعا تٷسۋ ٷشٸن شەكتٸ بالل ٶزگەرٸسسٸز قالدى - 75 بالل.
وقۋعا اقىلى نەگٸزدە تٷسۋ ٷشٸن 50 بالل جيناۋ قاجەت.
ەمتيحان تٶرت ساعاتقا دەيٸن جالعاسادى.
ەستەرٸڭٸزگە سالا كەتەيٸك, باكالاۆريات بويىنشا گرانتتاردىڭ جالپى سانى - 56 561, ماگيستراتۋرا – 13 263, دوكتورانتۋراعا 1890 گرانت بٶلٸنگەن.
كادر دايارلاۋعا ارنالعان گرانتتار سۇرانىسقا يە باعىتتار بويىنشا بٶلٸنەدٸ.
