مادريدتٸك "رەال" كلۋبىنىڭ باس باپكەرٸ حابي الونسو قىزمەتٸنەن كەتتٸ

فوتو: اشىق دەرەككٶز

يسپانييا سۋپەركۋبوگىنداعى سەتسٸزدٸكتەن كەيٸن مادريدتٸك "رەالدىڭ" باس باپكەرٸ حابي الونسو قىزمەتٸنەن كەتتٸ, دەپ حابارلايدى Ult.kz.

11 قاڭتار كٷنٸ يسپانييا سۋپەركۋبوگىنىڭ فينالىندا "بارسەلونا" مەن "رەال" چەمپيوندىق اتاقتى ساراپقا سالدى. تارتىسقا تولى ماتچتا كورولدٸك كلۋب "بارسەلوناعا" 2:3 ەسەبٸمەن جول بەردٸ.

وسى نەتيجەدەن كەيٸن كلۋب باسشىلىعى باپكەرلٸك قۇرامدا ٶزگەرٸس جاساۋ تۋرالى شەشٸم قابىلداپ, حابي الونسونىڭ ورنىنا جاڭا باس باپكەر رەتٸندە 42 جاستاعى الۆارو اربەلوانى تاعايىندادى.

حابي الونسو "كورولدٸك كلۋبتىڭ" تٸزگٸنٸن ٶتكەن جازدا قولعا الىپ, تەجٸريبەلٸ كارلو انچەلوتتيدٸڭ ورنىن باسقان. الايدا ماۋسىم بويىنداعى تۇراقسىز ويىن مەن سەتسٸز نەتيجەلەر جانكٷيەرلەردٸڭ باپكەرگە دەگەن نارازىلىعىن تۋدىردى.

"بارسەلونا" يسپانييا سۋپەركۋبوگىن 16-رەت جەڭٸپ الدى.

حابي الونسونىڭ "رەالداعى" تٸزگٸنٸن بوساتۋى مٷمكٸن ەكەنٸن بۇعان دەيٸن بٸرقاتار باق جازعان ەدٸ.