پارلامەنت مەجٸلٸسٸنٸڭ جالپى وتىرىسىندا قر قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مەدينا ەبٸلقاسىموۆا مٸندەتتٸ اۆتوساقتاندىرۋ بويىنشا يكەمدٸ تاريفتەۋ تەتٸگٸن ەنگٸزۋگە تٷسٸنٸك بەردٸ, دەپ حابارلايدى قازاقپارات.
بٷگٸن جالپى وتىرىستا «قازاقستان رەسپۋبليكاسىنىڭ كەيبiر زاڭنامالىق اكتiلەرiنە ساقتاندىرۋ نارىعىن جەنە باعالى قاعازدار نارىعىن رەتتەۋ مەن دامىتۋ مەسەلەلەرٸ بويىنشا ٶزگەرiستەر مەن تولىقتىرۋلار ەنگiزۋ تۋرالى» زاڭ جوباسى بٸرٸنشٸ وقىلىمدا قارالدى.
«زاڭ جوباسىنىڭ ەكٸنشٸ باعىتى ساقتاندىرۋ سالاسىن ودان ەرٸ تسيفرلاندىرۋ ارقىلى ساقتاندىرۋ قىزمەتتەرٸنٸڭ قولجەتٸمدٸلٸگٸنە ارتتىرۋ. 2009 جىلدان باستاپ كٶلٸك يەلەرٸ مٸندەتتٸ ساقتاندىرۋ شارتىن ونلاين رەجيمدە جاساي الادى. قازٸرگٸ ۋاقىتتا بۇل شارتتاردىڭ 100 پايىزى ەلەكتروندى تٷردە جاسالادى. تسيفرلاندىرۋدىڭ كەلەسٸ كەزەڭٸ - ساقتاندىرۋ وقيعالارىن ونلاين رەتتەۋدٸ ەنەگٸزۋ», - دەپ توقتالدى مەدينا ەبٸلقاسىموۆا.
ونىڭ ايتۋىنشا, كەز كەلگەن ادام ساقتاندىرۋ ۇيىمدارىنىڭ كەڭسەسٸنە بارماي-اق ساقتانداندىرۋ وقيعاسى تۋرالى ٶتٸنٸم جٸبەرۋدەن باستاپ, ساقتاندىرۋ تٶلەمٸن الۋعا دەيٸنگٸ بارلىق قىزمەتتەر جيىنتىعىن الا الادى.
«زاڭ جوباسىنىڭ ماڭىزدى جاڭالىعى – مٸندەتتٸ اۆتوساقتاندىرۋ بويىنشا يكەمدٸ تاريفتەۋ تەتٸگٸن ەنگٸزۋ. قولدانىستاعى ساقتاندىرۋ تاريفتەرٸ زاڭنامالىق تۇرعىدان 2007 جىلى بەلگٸلەندٸ جەنە سول كەزدەن بەرٸ جاڭارتىلعان جوق. يكەمدٸ تاريفتەۋ جٷيەسٸ قازاقستان ٶڭٸرلەرٸ بويىنشا ناقتى بولاتىن اپاتتاردى ەسكەرەدٸ جەنە ساقتاندىرۋ تاريفتەرٸن اۆتوماتتى تٷردە جاڭارتۋعا مٷمكٸندٸك بەرەدٸ», - دەدٸ اگەنتتٸك باسشىسى.
