Parlament Májilisiniń jalpy otyrysynda QR Qarjy naryǵyn retteý jáne damytý agenttiginiń tóraǵasy Mádina Ábilqasymova mindetti avtosaqtandyrý boiynsha ikemdi tarifteý tetigin engizýge túsinik berdi, dep habarlaidy QazAqparat.
Búgin jalpy otyrysta «Qazaqstan Respýblikasynyń keibir zańnamalyq aktilerine saqtandyrý naryǵyn jáne baǵaly qaǵazdar naryǵyn retteý men damytý máseleleri boiynsha ózgerister men tolyqtyrýlar engizý týraly» zań jobasy birinshi oqylymda qaraldy.
«Zań jobasynyń ekinshi baǵyty saqtandyrý salasyn odan ári tsifrlandyrý arqyly saqtandyrý qyzmetteriniń qoljetimdiligine arttyrý. 2009 jyldan bastap kólik ieleri mindetti saqtandyrý shartyn onlain rejimde jasai alady. Qazirgi ýaqytta bul sharttardyń 100 paiyzy elektrondy túrde jasalady. Tsifrlandyrýdyń kelesi kezeńi - saqtandyrý oqiǵalaryn onlain retteýdi enegizý», - dep toqtaldy Mádina Ábilqasymova.
Onyń aitýynsha, kez kelgen adam saqtandyrý uiymdarynyń keńsesine barmai-aq saqtandandyrý oqiǵasy týraly ótinim jiberýden bastap, saqtandyrý tólemin alýǵa deiingi barlyq qyzmetter jiyntyǵyn ala alady.
«Zań jobasynyń mańyzdy jańalyǵy – mindetti avtosaqtandyrý boiynsha ikemdi tarifteý tetigin engizý. Qoldanystaǵy saqtandyrý tarifteri zańnamalyq turǵydan 2007 jyly belgilendi jáne sol kezden beri jańartylǵan joq. Ikemdi tarifteý júiesi Qazaqstan óńirleri boiynsha naqty bolatyn apattardy eskeredi jáne saqtandyrý tarifterin avtomatty túrde jańartýǵa múmkindik beredi», - dedi agenttik basshysy.
