كوللاج: Ult.kz
جاقىندا پروديۋسەر بايان الاگٶزوۆا ماقتانىشپەن كٶرسەتكەن «قىز جٸبەك» فيلمٸندەگٸ كامزولعا قاتىستى وقيعا مەدەنيەت جەنە اقپارات مينيسترلٸگٸنٸڭ نازارىن اۋداردى. بۇل تۋرالى Ult.kz حابارلايدى.
الاگٶزوۆا بۇل اڭىزعا اينالعان كامزولدى Instagram جەلٸسٸندەگٸ وقىرماندارىنا كٶرسەتٸپ, ونىڭ سىيلىققا بەرٸلگەنٸن ايتتى. دەل وسىنداي قىزعىلت كامزولدى اكتريسا مەرۋەرت ٶتەكەشەۆا «قىز جٸبەك» فيلمٸندە باستى رٶلدٸ سومداعان كەزدە كيگەن بولاتىن.
"بۇل جاي عانا زات ەمەس, مەن ونى ٶمٸرٸمنٸڭ سوڭىنا دەيٸن ساقتايمىن. سەبەبٸ بۇل – مەرۋەرت ٶتەكەشەۆانىڭ شىنايى كامزولى, وعان شامامەن 50 جىل بولعان. بۇل – گٷلفايرۋس ىسمايىلوۆانىڭ قولىنان شىققان تۋىندى. وسىنداي قۇندى دٷنيەنٸڭ ماعان بۇيىرعانىنا ٶتە قۋانىشتىمىن. تٸپتٸ مەرۋەرت ٶتەكەشەۆامەن ٶلشەمٸمٸز دە بٸردەي ەكەن", – دەدٸ الاگٶزوۆا بەينەجازباسىندا.
مەدەنيەت مينيسترلٸگٸنٸڭ مەلٸمەتٸنشە, «قازاقفيلم» كينوستۋديياسىنىڭ قورىندا فيلمنەن قالعان جالعىز تٷپنۇسقا كامزول ساقتاۋلى. قازٸرگٸ تاڭدا ماماندار ەكٸنشٸ كامزولدىڭ قايدان شىققانىن انىقتاۋعا كٸرٸسكەن. مەدەنيەت جەنە اقپارات مينيسترلٸگٸ بۇل رەكۆيزيتتٸڭ اسا قۇندى ەكەنٸن اتاپ ٶتٸپ, «قازاقفيلم» مۇنداي جەدٸگەرلەردٸ ساقتاۋ باعىتىندا تۇراقتى جۇمىس جٷرگٸزٸپ جاتقانىن مەلٸمدەدٸ.
"مەدەنيەت جەنە اقپارات مينيسترلٸگٸ ەلەۋمەتتٸك جەلٸلەردە تالقىلانىپ جاتقان پروديۋسەر بايان الاگٶزوۆانىڭ «قىز جٸبەك» فيلمٸندەگٸ كيٸمٸنە قاتىستى جارييالاعان جازباسىنا بايلانىستى تٶمەندەگٸنٸ حابارلايدى.
بٸرٸنشٸدەن, «قازاقفيلم» كينوستۋديياسىنىڭ مۋزەي قورىندا «قىز جٸبەك» فيلمٸندە پايدالانىلعان بٸر كامزولدىڭ تٷپنۇسقاسى ساقتاۋلى. بۇل جەدٸگەر ۇلتتىق كينو ٶنەرٸنٸڭ ماڭىزدى مەدەني مۇراسى رەتٸندە قورعالعان. ال پروديۋسەر جارييالاعان جازباداعى ەكٸنشٸ كامزولدىڭ جەكە قولعا قالاي ٶتكەندٸگٸ انىقتالۋدا.
ەكٸنشٸدەن, «قازاقفيلم» كينوستۋديياسى ۇلتتىق فيلمدەردە پايدالانىلعان قۇندى رەكۆيزيتتەردٸ, كوستيۋمدەر مەن باسقا دا تاريحي ماڭىزى بار زاتتاردى جٷيەلٸ تٷردە جيناقتاپ, قالپىنا كەلتٸرۋ جەنە ساقتاۋ جۇمىستارىن جٷرگٸزٸپ كەلەدٸ. بۇل باعىتتاعى جۇمىس ۇلتتىق مەدەني مۇرانى كەلەشەك ۇرپاققا جەتكٸزۋگە باعىتتالعان.
ٷشٸنشٸدەن, قازٸرگٸ ۋاقىتتا «قازاقفيلم» جانىنان زاماناۋي تالاپتارعا ساي كەلەتٸن اۋقىمدى مۋزەي اشۋ جوسپارلانۋدا. اتالعان مۋزەيدە وتاندىق كينو تاريحىنا قاتىستى بٸرەگەي ەكسپوناتتار قويىلىپ, كەلۋشٸلەرگە كەڭٸنەن تانىستىرىلاتىن بولادى", - دەلٸنگەن حابارلامادا.
