بەلارۋس پرەزيدەنتٸ الەكساندر لۋكاشەنكو مەملەكەتتٸك قاۋٸپسٸزدٸك كوميتەتٸنٸڭ تٶراعاسى ۆالەريي ۆاكۋلچيكتٸ قاۋٸپسٸزدٸك كەڭەسٸنٸڭ حاتشىسى ەتٸپ تاعايىندادى. بۇعان دەيٸن كەڭەسكە جەتەكشٸلٸك ەتكەن اندرەي راۆكوۆ قىزمەتٸنەن بوساعان. بۇل تۋرالى بەلارۋس پرەزيدەنتٸنٸڭ باسپاسٶز قىزمەتٸ حابارلادى.
مەملەكەتتٸك قاۋٸپسٸزدٸك كوميتەتٸنٸڭ تٶراعاسى بولىپ يۆان تەرتەل تاعايىندالعان. ول بۇعان دەيٸن مەملەكەتتٸك باقىلاۋ كوميتەتٸن باسقارعان.
اندرەي راۆكوۆقا جاڭا قىزمەت بەرٸلگەنٸ-بەرٸلمەگەنٸ بەلگٸسٸز.
تامىز ايىندا ٶتكەن پرەزيدەنت سايلاۋىنىڭ رەسمي قورىتىندىسىن وپپوزيتسييا مويىنداماعاننان كەيٸن ەلدە ساياسي داعدارىس تۋىنداعان ەدٸ. وپپوزيتسييا پرەزيدەنتتٸڭ وتستاۆكاعا كەتۋٸن جەنە جاڭادان ەدٸل سايلاۋ ٶتكٸزۋدٸ تالاپ ەتٸپ وتىر. لۋكاشەنكو بيلٸكتەن كەتپەيتٸنٸن مەلٸمدەگەن.
ەلدٸڭ ٸرٸ قالالارىندا نارازىلىق شارالارى تۇراقتى تٷردە ٶتٸپ جاتىر. بۇعان دەيٸن مينسك ورتالىعىندا ٶتكەن نارازىلىق شاراسىنا 200 مىڭعا دەيٸن ادام قاتىسقان.
گەنەرال-لەيتەنانت ۆاكۋلچيك مەملەكەتتٸك قاۋٸپسٸزدٸك كوميتەتٸن سەگٸز جىل باسقارعان. گەنەرال-لەيتەنانت راۆكوۆ قاۋٸپسٸزدٸك كەڭەسٸنە قاڭتار ايىنان بەرٸ جەتەكشٸلٸك ەتكەن. وعان دەيٸن التى جىل قورعانىس مينيسترٸ بولعان.
