فوتو: Tengrinews.kz
LRT-نىڭ قۇرىلىسىن توقتاتساق, شىعىن ودان دا كٶپ بولادى. بۇل تۋرالى مەملەكەت باسشىسى قاسىم-جومارت توقاەۆ ەلوردانى دامىتۋ مەسەلەلەرٸ جٶنٸندەگٸ كەڭەس وتىرىسىندا ايتتى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«كەلەسٸ مەسەلە – قوعامدىق كٶلٸك جٷيەسٸن دامىتۋ. مەن قالا ٸشٸندە ادام كٶپ جٷرەتٸن باعىتتاردى انىقتاپ, اۆتوبۋستىڭ جيٸ قاتىناۋىن قامتاماسىز ەتۋ جٶنٸندە ناقتى تاپسىرما بەردٸم.
بٸراق تۇرعىندار ەلٸ كٷنگە دەيٸن ايالدامادا جارتى ساعات بويى تۇرۋعا مەجبٷر. تٸپتٸ, كەيدە جولاۋشىلار اۆتوبۋسقا سىيماي جاتادى. قازٸر استاناعا 400-دەن استام اۆتوبۋس جەتٸسپەيدٸ. الداعى 5 جىلدا بۇل تاپشىلىق 2 ەسە ارتۋى مٷمكٸن. 400 ايالدامادا اۆتوبۋس توقتايتىن ارنايى ورىن قاراستىرىلماعان. ال 300 ايالدامادا جابىق پاۆيلون جوق. بۇل مەسەلە, ەسٸرەسە, قىس كەزٸندە ٶتە ٶزەكتٸ.
LRT-عا قاتىستى جۇمىستى مەيلٸنشە تەزدەتٸپ اياقتاۋ كەرەك. مەن بۇرىن دا ايتتىم, LRT جوباسى نەگٸزٸنەن قاتە بولدى. بٸراق قازٸرگٸ تاڭدا باسقا امالىمىز جوق, بۇل جوبانى جٷزەگە اسىرۋىمىز كەرەك. LRT-نىڭ قۇرىلىسىن توقتاتساق, شىعىن ودان دا كٶپ بولادى. ال, بالاما جوبالار جوق. جالپى, ەكٸمدٸككە ٷكٸمەتپەن بٸرلەسٸپ, استانانىڭ كٶلٸك جٷيەسٸن دامىتۋعا ارنالعان كەشەندٸ باعدارلاما ەزٸرلەۋدٸ تاپسىرامىن» - دەدٸ پرەزيدەنت.
ەسكە سالساق, ەلورداداعى LRT-نىڭ قۇرىلىسى 2019 جىلى سەۋٸردە توقتاتىلعان ەدٸ. 2020 جىلدىڭ قاڭتارىندا LRT قۇرىلىسىنا قاتىستى ٸستٸ تەرگەۋ شارالارى اياقتالدى. سول جىلى قازاندا «استانا LRT» كومپانيياسى بويىنشا ٸس سوت قاراۋىنا جولداندى.
سونداي-اق, بيىل 13 تامىزدا نۇر-سۇلتان قالاسىنىڭ پروكۋراتۋراسى ەلوردا ەكٸمٸنٸڭ بۇرىنعى ورىنباسارى قانات سۇلتانبەكوۆ پەن «استانا LRT» جشس باسقارما تٶراعاسى تالعات اردانعا قاتىستى قىلمىستىق ٸستٸ سوتقا جولدانعانى تۋرالى حابارلادى. بٸراق اتالعان ەكٸ كٷدٸكتٸ قازٸرگٸ ۋاقىتتا قىلمىستىق قۋدالاۋدان بوي تاسالاپ جٷر.
