فوتو: © Sputnik / ۆلاديسلاۆ ۆودنەۆ
كٶلٸك مينيسترٸ مارات قاراباەۆ استاناداعى لرت-نىڭ قۇرىلىسى تۋرالى ايتىپ بەردٸ, - دەپ حابارلايدى Sputnik قازاقستان.
بيىل لرت-نىڭ قۇرىلىسىنا تاعى 52 ميلليارد تەڭگە بٶلٸنگەن بولاتىن. وسى اقشاعا باعانالاردى ورناتتى. بٷگٸندە وسى جۇمىس 96 پايىزعا اياقتالدى.
“جالپى, تٸرەكتەردٸڭ ٶزٸن ورناتۋ جۇمىسى شامامەن 86 پايىزعا ورىندالدى. ال كونسترۋكتسييالار 82 پايىزعا جينالدى. بۇل - بيىل اتقارىلعان شارالار ”, - دەدٸ قاراباەۆ ٷكٸمەتتە ٶتكەن بريفينگتە.
مينيستردٸڭ ايتۋىنشا, كەلەسٸ جىلى قۇرىلىس-مونتاجداۋ جۇمىستارىن جالعاستىرۋعا تاعى 45 ميلليارد تەڭگە بٶلۋ جوسپارلانىپ وتىر.
“قازٸرگٸ كەزدە قۇرىلىس الاڭىندا 1,5 مىڭ ادام جۇمىس ٸستەپ جاتىر. ەگەر جۇمىس كٶلەمٸ كٶبەيسە, ال كوماندا قۇرىلىس جۇمىستارىن جىلدامداتسا, وندا قوسىمشا بٶلٸنەتٸن قارجىنى 150 ميلليارد تەڭگەگە ارتتىرۋدى سۇرايمىز. بٸراق قۇرىلىستىڭ اياقتالۋ ۋاقىتى 2025 جىلعا بەلگٸلەنٸپ وتىر”, - دەپ اتاپ كٶرسەتتٸ قاراباەۆ.
