فوتو: ۆيدەودان سكرينشوت
قازاقستان قارجىلىق مونيتورينگ اگەنتتٸگٸ تانىمال بلوگەرلەر جانابىلوۆتارعا قاتىستى قىلمىستىق ٸس قوزعادى. بۇل تۋرالى اگەنتتٸك تٶراعاسىنىڭ ورىنباسارى جەڭٸس ەلەمەسوۆ سەناتتا ٶتكەن بريفينگ بارىسىندا مەلٸمدەدٸ, دەپ حابارلايدى Ult.kz.
«قىلمىستىق كودەكستٸڭ 214-بابىنىڭ 1-بٶلٸگٸ بويىنشا ٸس قوزعالدى. قازٸرگٸ ۋاقىتتا تەرگەۋ باستالدى. ٸس كەشە نەمەسە الدىڭعى كٷنٸ تٸركەلدٸ. ولار ەلٸمٸزدە جٷر», — دەدٸ ەلەمەسوۆ.
اتالعان باپقا سەيكەس, زاڭ بۇزعان تۇلعالار 2000 ايلىق ەسەپتٸك كٶرسەتكٸشكە دەيٸنگٸ (شامامەن 7,7 ملن تەڭگە) ايىپپۇلمەن, 600 ساعاتقا دەيٸنگٸ قوعامدىق جۇمىستارمەن نەمەسە ەكٸ جىلعا دەيٸن باس بوستاندىعىنان ايىرۋ نە شەكتەۋ جازاسىمەن جازالانۋى مٷمكٸن.
سونداي-اق قارجى مونيتورينگٸ اگەنتتٸگٸ بلوگەرلەر جٷرگٸزەتٸن زاڭسىز ونلاين-لوتەرەيالارعا قاتىستى قىلمىستىق جاۋاپكەرشٸلٸك ەنگٸزۋ مٷمكٸندٸگٸن قاراستىرىپ جاتىر.
«قازٸر بۇل مەسەلە بويىنشا باسقا مەملەكەتتٸك ورگانداردىڭ ۇسىنىستارى جينالۋدا. كەيٸن ٷكٸمەت پەن مەجٸلٸسكە شىعارامىز. بٸز بۇعان دەيٸن قارجى پيراميدالارىن جارنامالاعانى ٷشٸن قىلمىستىق جاۋاپكەرشٸلٸك ەنگٸزدٸك. مۇندا دا سوعان ۇقساس شارا قاراستىرىلىپ وتىر», – دەدٸ قما تٶراعاسىنىڭ ورىنباسارى جەڭٸس ەلەمەسوۆ.
ايتا كەتەيٸك, جانابىلوۆتار ەلەۋمەتتٸك جەلٸلەردە 11 كٶلٸك ويناتامىز دەپ جارناما جٸبەرٸپ, كەيٸن تەك 30 مىڭ تەڭگەگە كۋرس العاندار اراسىندا عانا ۇتىس ويناتامىز دەپ مەلٸمدەگەن. نارازى بولعان جۇرت بلوگەرلەردٸڭ ٷستٸنەن ارىز جازدى.
