لوندوندا افروامەريكالىق ازامات اق نەسٸلدٸ جٸگٸتتٸ ىزالى دەمونسترانتتار توبىنان الىپ شىقتى. بۇل تۋرالى "ۇلت اقپارات" CNN-گە سٸلتەمە جاساپ حابارلايدى.
پاتريك حاتچينسوننىڭ جانقييارلىق ەرەكەتٸ تٷسٸپ قالعان سۋرەت بٷكٸل ەلەمگە تارادى. جەكسەنبٸ كٷنٸ حاتچينسون CNN-گە بۇل ونىڭ قاتىسقان العاشقى Black Lives Matter نارازىلىق شاراسى ەكەنٸن ايتقان.
ەسكە سالايىق, لوندونداعى جەنە بٷكٸل ەلەمدەگٸ نارازىلىق بٸلدٸرۋشٸلەر پوليتسييا قىزمەتكەرلەرٸنٸڭ قولىنان قازا تاپقان افروامەريكالىقتاردىڭ ٶلٸمٸنەن كەيٸن پوليتسييا جۇمىسىن رەفورمالاۋدى تالاپ ەتٸپ, كٶشەگە شىقتى. قايتىس بولعانداردىڭ قاتارىندا ميننەاپوليستە كٶز جۇمعان دجوردج فلويد پەن اتلانتاداعى رەيشارد برۋكس بار. حاتچينسون CNN-گە بەرگەن سۇحباتىندا سەنبٸدە ميتينگٸگە كەلگەن كەزدە, نارازى توپتىڭ سوققىلارىنان ٶزٸن قورعاۋعا تىرىسىپ, باسپالداقتا جاتقان اق نەسٸلدٸ جٸگٸتتٸ كٶرگەنٸن ايتتى.
حاتچينسون سول سەتتە بۇل ادام قارسى توپتىڭ ٶكٸلٸ ەكەنٸنە دە قاراماعانىن ايتۋدا. حاتچينسون مەن ونىڭ دوستارى جارالى ازاماتتى قورشاپ الىپ, سودان كەيٸن پاتريك ونى پوليتسييا ۋچاسكەسٸنە جەتكٸزۋ ٷشٸن يىعىنا كٶتەرٸپ العان. حاتچينسوننىڭ ايتۋىنشا, سوعان قاراماستان نارازى توپ اق نەسٸلدٸ ادامعا سوققى جاساۋدى توقتاتپاعان.
حاتچينسون قۇتقارعان ەر ادامنىڭ اتى ەزٸرگە بەلگٸسٸز.
سەنبٸدەگٸ نارازىلىقتاردان كەيٸن پوليتسييا 100-دەن استام ادامدى قاماۋعا الدى.
پاتريكتٸڭ ايتۋىنشا, ٶزٸ نارازىلىق بٸلدٸرۋگە شىققان. ول ادامزات نەسٸلدٸك كەمسٸتۋشٸلٸكتٸ جەڭٸپ, بەيبٸت ٶمٸر سٷرە الادى دەپ ٷمٸتتەنەدٸ.
«بەرٸمٸز ٷشٸن تەڭدٸك بولعانىن قالايمىن. مەن – ەكەمٸن, اتامىن. بالالارىم, نەمەرەلەرٸم, جيەندەرٸم جاقسى ەلەمدە ٶمٸر سٷرسە ەكەن دەيمٸن», - دەدٸ حاتچينسون.
ەسكە سالا كەتەيٸك, 25 مامىر كٷنٸ دجوردج ميننەاپوليستە پوليتسەيلەردٸڭ قولىنان قايتىس بولدى. ونى ۇستاۋ بارىسىندا دەرەك شوۆين توعىز مينۋتتاي تٸزەسٸمەن موينىنان باسىپ وتىرعان.
اقش, كانادا, ۇلىبريتانييا, گەرمانييا مەن ەلەمنٸڭ باسقا دا قالالارىندا دجوردج فلويدتىڭ ٶلٸمٸنەن كەيٸن نارازىلىقتار مەن تولقۋلار باستالدى.
