ۇلىبريتانييا ٸشكٸ ٸستەر مينيسترٸ پريتي پاتەل WikiLeaks سايتىنىڭ نەگٸزٸن قالاعان دجۋليان اسسانجدى اقش-قا ەكستراديتسييالاۋدى ماقۇلدادى. اسسانج اقش-تا 175 جىلعا دەيٸنگٸ مەرزٸمگە سوتتالۋى مٷمكٸن, - دەپ حابارلايدى Bloomberg.
WikiLeaks ٶكٸلدەرٸ بريتان بيلٸگٸنٸڭ شەشٸمٸنە قارسى شاعىم تٷسٸرەتٸندەرٸن مەلٸمدەگەن. ال BBC اگەنتتٸگٸنٸڭ حابارلاۋىنشا, بريتان ٸٸم اسسانجعا ٶزٸن اقش-قا ەكستراديتسييالاۋ تۋرالى شەشٸمگە قارسى شاعىم تٷسٸرۋٸنە ەكٸ اپتا مۇرسات بەرٸلگەنٸن ايتقان.
سەۋٸردە ۆەستمينستەر ماگيسترات سوتى اسسانجدى اقش-قا ەكستراديتسييالاۋعا رۇقسات ەتكەن. ونىڭ الدىندا لوندون تٶبە سوتى اسسانجدى اقش بيلٸگٸنە بەرمەۋ تۋرالى بۇرىنعى سوت شەشٸمٸنٸڭ كٷشٸن جويعان. بۇدان كەيٸن وسى مەسەلە بويىنشا تٷپكٸلٸكتٸ شەشٸم قابىلداۋ ۇلىبريتانييا ٸشكٸ ٸستەر مينيسترلٸگٸ قۇزىرەتٸندە ەدٸ.
اقش-تا اسسانجعا بارلىعى 17 ايىپ تاعىلعان. ولاردىڭ اراسىندا يراك پەن اۋعانستانداعى ەسكەري وپەراتسييالار تۋرالى قۇپييا مەلٸمەتتەردٸ جارييا ەتۋ دە بار. ونداي دەرەكتەردٸڭ جىلىستاۋىنا سەبەپكەر نەگٸزگٸ ادام – اقش ەسكەري قىزمەتكەرٸ برەدلي (چەلسي) مەننينگ, ال WikiLeaks ٶزٸنە تٷسكەن قۇجاتتاردى جارييالاپ وتىرعان.
ايىپتاۋ قورىتىندىسىندا اسسانج "ٶزٸنە اقپارات بەرگەندەردٸ, سولاردىڭ اراسىندا مەننينگتٸ دە قۇپييا اقپاراتتى ۇرلاۋعا جەنە جارييا ەتۋ ٷشٸن WikiLeaks-كە بەرۋگە بٸرنەشە رەت يتەرمەلەگەن" دەپ جازىلعان.
ايىپتاۋ تارابى اسسانج ەلگٸندەي اقپاراتتى جارييالاپ, "قۇپييا دەرەكتەردٸ جەتكٸزگەن ادامداردى ەشكەرەلەدٸ", سولاردىڭ اراسىندا اقش-پەن ەرٸپتەستٸك بايلانىس ورناتقان اۋعانستان, يراك, قىتاي مەن يران ازاماتتارىنىڭ "ٶمٸرٸ قىل ٷستٸندە قالۋىنا" سەبەپ بولدى دەيدٸ.
WikiLeaks ٶكٸلدەرٸ بۇل ايىپتاۋلارعا جاۋاپ رەتٸندە: "بۇل - ەسسٸزدٸك جەنە جۋرناليستيكانىڭ دا, بٸرٸنشٸ تٷزەتۋدٸڭ دە قۇردىمعا كەتكەنٸ" دەپ مەلٸمدەدٸ. (اقش كونستيتۋتسيياسىنىڭ بٸرٸنشٸ تٷزەتۋٸندە سٶز بوستاندىعى جايلى ايتىلعان, وندا "كونگرەسس سٶز نەمەسە باسپاسٶز بوستاندىعىن شەكتەيتٸن بٸر دە بٸر زاڭ شىعارماۋى كەرەك..." دەپ جازىلعان – رەد.)
اسسانجعا اقش-تا تاعىلىپ وتىرعان بارلىق ايىپ بويىنشا جيىنتىعى 175 جىلعا جەتەتٸن تٷرمە جازاسى قاراستىرىلعان دەپ جازادى Financial Times باسىلىمى.
ال ادام قۇقىعىن قورعايتىن حالىقارالىق ۇيىمدار - Amnesty International, Human Rights Watch جەنە Reporters Without Border ("شەكاراسىز تٸلشٸلەر") اسسانجدى ەكستراديتسييالاۋعا قارسى شىققان.
