WBO نۇسقاسى بويىنشا بٸرٸنشٸ جەڭٸل سالماقتا ەلەم چەمپيونى ۋكراينالىق ۆاسيليي لوماچەنكو (10-1, 8 كو) دوپينگ-تەستتەن ٶتە الماي, قازاقستاندىق گەنناديي گولوۆكينمەن رەۆانش ٶتكٸزۋدەن باس تارتقان مەكسيكالىق ساۋل "كانەلو" الۆارەستٸ مازاق ەتتٸ, دەپ حابارلادى Vesti.kz.
"ەگەر مەن مەكسيكاعا بارسام ەت جەيمٸن, سٶيتٸپ ورتا سالماققا ٶتە الامىن", - دەدٸ لوماچەنكو جۋرناليستەرگە بەرگەن سۇحباتى كەزٸندە.
ايتا كەتەيٸك, بيىل اقپاندا الۆارەس ەكٸ رەت دوپينگ-تەستتەن ٶتە الماي قالدى. كەيٸن ونىڭ كومانداسى دوپينگتٸڭ اعزاعا ەت ارقىلى تٷسكەنٸن دەلەلدەدٸ, سٶيتٸپ NSAC ونى التى ايعا بوكستان شەتتەتتٸ.
دوپينگكە قاتىستى داۋ ٷشٸن الۆارەس گولوۆكينمەن ەكٸنشٸ جەكپە-جەك ٶتكٸزۋدەن باس تارتتى, كەزدەسۋ 5 مامىردا ٶتۋٸ تيٸس ەدٸ. بٸراق ول كٷنٸ گولوۆكين امەريكالىق ۆانەس مارتيروسيانمەن (36-4-1, 21 KO) جەكپە-جەك ٶتكٸزٸپ, ەكٸنشٸ راۋندتا نوكاۋتقا تٷسٸردٸ.
كەيٸن مارتيروسيان "كانەلوعا" اقىلىن ايتىپ, گولوۆكيننەن "قاش", دەدٸ.
"پويىز استىندا قالعانداي بولدىم. بٸر عانا ەمەس, بارلىق سوققىسى سونداي بولدى. بۇعان دەيٸن مەنٸ ەشكٸم بۇلاي قاتتى ۇرماعان. گولوۆكين - سۇمدىق پانچەر. ەربٸر سوققىسى دەل ەرٸ مىعىم بولدى. گولوۆكين سوققىسىنىڭ كٷشٸمەن تاڭعالدىردى. "كانەلونىڭ" ەلگٸ ەتتٸ نە ٷشٸن جەگەنٸن تٷسٸندٸم", - دەدٸ مارتيروسيان جەكپە-جەكتەن كەيٸن.
