پرەمەر-مينيستر ولجاس بەكتەنوۆ ٷكٸمەت وتىرىسىندا لوكاليزاتسييالاۋ قارقىنىن ارتتىرۋ, ونىڭ ٸشٸندە جەكە اۆتوكٶلٸك برەندتەرٸن قالىپتاستىرۋ باعىتىنداعى جۇمىستىڭ ماڭىزدىلىعىن اتاپ ٶتتٸ, دەپ حابارلايدى ult.kz.
بۇل ەكونوميكانىڭ دامۋى ٷشٸن دە, قازاقستاننىڭ بەدەلٸن ارتتىرۋ تۇرعىسىنان دا ماڭىزدى. پرەمەر-مينيستر وتاندىق اۆتوموبيل بولات ٶندٸرٸسٸن يگەرۋ جوباسىنىڭ ستراتەگييالىق ماڭىزدىلىعىن باسا ايتتى.
«نەگٸزگٸ مٸندەت – قۇننىڭ بارىنشا كٶپ بٶلٸگٸن ەل ٸشٸندە ساقتاۋ ٷشٸن لوكاليزاتسييالاۋ دەڭگەيٸن بارىنشا تەرەڭدەتۋ. مەملەكەتتٸك قولداۋى جەنە بيزنەستٸڭ بەلسەندٸ قاتىسۋىمەن وسى باعىتتا, سونىڭ ٸشٸندە ٶزٸمٸزدٸڭ اۆتوموبيل برەندتەرٸمٸزدٸ دامىتۋ بويىنشا جٷيەلٸ جۇمىس ٸستەۋٸمٸز كەرەك. بۇل ەكونوميكا تۇرعىسىنان دا, ەلٸمٸزدٸڭ بەدەلٸن ارتتىرۋ تۇرعىسىنان دا ٶتە ماڭىزدى.
بٸز بٸرلەسٸپ جاقسى نەتيجەگە قول جەتكٸزۋٸمٸز كەرەك. اۆتوموبيل بولاتى ٶندٸرٸسٸ ستراتەگييالىق ماڭىزعا يە. بٸزدٸڭ مٷمكٸندٸكتەرٸمٸز بولا تۇرا, ونداعان جىلدار بويى ەلٸمٸزدە اۆتوموبيل بولاتى ٶندٸرٸسٸن جولعا قويا الماعانىمىز تاڭعالدىرادى. سوندىقتان بۇل (اۆتوموبيل بولاتى ٶندٸرٸسٸ بويىنشا) جوبانى, سونداي-اق Qarmet كومپانيياسىن جاڭعىرتۋدىڭ اۋقىمدى باعدارلاماسىن قولدايمىز. مۇندا بولات زاۋىتى مەن اۆتوموبيل ٶنەركەسٸبٸ اراسىندا تيٸمدٸ ىقپالداستىق قالىپتاسىپ وتىر. ٷكٸمەت تاراپىنان قولداۋ كٶرسەتٸلەدٸ», — دەپ اتاپ ٶتتٸ پرەمەر-مينيستر.
