قازٸر ليۆييانىڭ مەملەكەتتٸلٸگٸ جوق. ونى 2011 جىلى ناتو جويدى, دەپ مەلٸمدەمە جاسادى رەسەيدٸڭ سىرتقى ٸستەر مينيسترٸ سەرگەي لاۆروۆ. بۇل تۋرالى ريا نوۆوستي باسىلىمى حابارلادى.
"بۇل سوقىر تەۋەكەلدٸڭ - قىلمىستىق, زاڭعا قايشى تەۋەكەلدٸڭ سالدارىن بٸز ەلٸ كٷنگە دەيٸن كٶرٸپ وتىرمىز. ەڭ الدىمەن, ەرينە ليۆييالىقتار كٶرٸپ وتىر", - دەدٸ ول لانكالىق ەرٸپتەسٸ دينەش گۋنادەۆاردەنمەن ٶتكەن كەلٸسسٶزدەر قورىتىندىسى بويىنشا باسپاسٶز مەسليحاتىندا.
بۇعان قوسا, لاۆروۆ اليانس جاساعان پروبلەمانى كٶپتەگەن ەل شەشۋگە تىرىسىپ جاتىر دەيدٸ. بۇل ەلدەر قاتارىندا گەرمانييا, فرانتسييا, يتالييا, الجير, ەگيپەت, بٸرٸككەن اراب ەمٸرلٸكتەرٸ, تٷركييا, قاتار, رەسەي بار.
تاياۋدا مەسكەۋدە ليۆيياارالىق كەلٸسسٶزدەر ٶتتٸ. تاراپتار ايماقتاعى دەەسكالاتسييا مٷمكٸندٸگٸ مەن شارتتارىن تالقىلادى. دەگەنمەن كونسەنسۋسقا قول جەتكٸزٸلگەن جوق. سەبەبٸ بٸتٸم تۋرالى قورىتىندى قۇجاتقا بارلىق قاتىسۋشى قول قويمادى. ناقتىلاساق, ليۆييا ۇلتتىق ەسكەرٸنٸڭ باسشىسى, مارشال حاليفا حافتار ٶز قولىن قويعان جوق.
ليۆيياداعى جاعداي
2011 جىلى باسشىلىعىندا امەريكا قۇراما شتاتتارى مەن ناتو بولعان حالىقارالىق قاۋىمداستىق ليۆييادا وپەراتسييا ٶتكٸزدٸ. ونىڭ نەتيجەسٸندە مۋامار كاددافي ٶلتٸرٸلٸپ, 40 جىلدان استام ۋاقىت بويى ٷستەمدٸك ەتكەن رەجيم قۇلادى.
وسىدان كەيٸن ەلدە اشىق داعدارىس باستالدى. شىعىستا, توبرۋك قالاسىندا حالىق سايلاعان پارلامەنت جۇمىس ٸستەيدٸ. ونى حافتار باسقاراتىن ليۆييا ۇلتتىق ەسكەرٸ قولدايدى. باتىستا, تريپوليدە بٸرٸككەن ۇلتتار ۇيىمى جەنە ەۋرووداق قولداۋىمەن قۇرىلعان ۇلتتىق كەلٸسٸم ٷكٸمەتٸ جۇمىس ٸستەيدٸ. ونى فايەز ساررادج باسقارادى.
قوس بيلٸك جەنە قاۋٸپسٸزدٸك جٷيەسٸندەگٸ كٷيرەۋ قارۋلانعان كٶتەرٸلٸسشٸلەر توپتارى مەن لاڭكەستٸك ۇيىمدار بەلسەندٸلٸگٸنٸڭ ارتۋىنا ەكەلدٸ. ليۆييا ورتالىقتاندىرىلعان بيلٸك پەن بٸرىڭعاي ەسكەردٸڭ جوقتىعىنان كونتراباندا ورتالىعىنا جەنە افريكادان ەۋروپاعا باراتىن زاڭسىز ميگرانتتاردىڭ ايالداۋ بەكەتٸنە اينالدى.
2019 جىلدىڭ تٶرتٸنشٸ سەۋٸرٸندە حافتار "لاڭكەستەردەن بوساتۋ" ٷشٸن تريپوليگە شابۋىل جاساي باستادى. ٷكٸمەتكە ادال قارۋلانعان جاساقتار جاۋاپ رەتٸندە "اشۋ جانارتاۋى" وپەراتسيياسىنىڭ باستالعانى تۋرالى حابارلادى. سوڭعى بٸرنەشە ايدا جٷزدەگەن ادام قازا تاۋىپ, مىڭداعانى جاراقات الدى.
