الماتىدا بلوگەر قازا تاپقان پلاستيكالىق حيرۋرگييا كلينيكاسىن دەنساۋلىق ساقتاۋ مينيسترلٸگٸ تەكسەرە باستادى. 53 جاستاعى سەۋلە بازارحان ليپوساكتسييا جاساتۋعا ٶز اياعىمەن بارىپ, ورتالىقتان مەيٸتٸ شىققان. مارقۇمنىڭ تۋىستارى ٶلٸمنٸڭ ناقتى سەبەبٸن بٸلە الماي دال. ولار كتك تەلەارناسىنا سۇحبات بەرٸپ, مەن-جايدى باياندادى, دەپ حابارلايدى ult.kz.
مارقۇم سەۋلە بازارحان وقيعا بولار كٷنٸ جۇمىسىنان ەكٸ ساعاتقا سۇرانىپ شىعىپتى. ورتالىققا تۋىسىمەن بٸرگە بارعان. بٸراق بٸر جارىم ساعاتقا جوسپارلانعان وتا ۋاقىتىندا بٸتپەگەن. تەك ارادا ٷش ساعات ٶتكەندە كلينيكاداعىلار جەدەل جەردەم شاقىرتادى. قارالى حاباردى تۋىستارىنا سولار جەتكٸزٸپتٸ.
"4-تەن 3 مينۋت كەتكەندە الىپ كەتتٸ, ٸشكە قاراي دەدٸ. ماعان "كٷتٸڭٸز" دەپ ايتتى. "وپەراتسييا قانشا بولادى?" دەگەندە, بٸر جارىم ساعاتتاي بولادى دەپ ايتىپتى. بٸر جارىم ساعات بولدى عوي, ساعات بەس جارىم بولدى عوي, شىعاتىن ۋاقىتى بولدى عوي دەگەن. ەشتەڭە ايتپايدى. دەرٸگەرلەر كٸرەدٸ, شىعادى. جٷگٸرٸپ جٷر دەيدٸ. سونى تولىق ايتپادى دەيدٸ. جەدەل جەردەم كەلٸپ, ول دا كٸرٸپ كەتتٸ دە, قايتادان شىعىپ, قايتىپ كەتتٸ دەدٸ", - دەيدٸ مارقۇمنىڭ اعاسى بولاتحان ەرماحانوۆ.
53 جاستاعى سەۋلە ٶمٸرگە قۇشتار ەدٸ, دەيدٸ جاقىندارى. جٷزۋدٸ جانى سٷيگەن مارقۇم ستوماتولوگييا سالاسىندا جۇمىس ٸستەگەن. بٸر ميلليوننان اسا وقىرمانى بار بلوگەر ەلەۋمەتتٸك جەلٸدەگٸ پاراقشاسىن جٷيەلٸ جٷرگٸزٸپ وتىرىپتى. مارقۇمنىڭ ارتىندا ەكٸ بالاسى قالدى. قارا جامىلعان جاقىندارى مەن-جايدى انىقتاپ, كٸنەلٸ ادامداردى تيٸستٸ جازاعا تارتۋدى تالاپ ەتەدٸ. قازٸر ەيەلدٸڭ ٶلٸمٸ بويىنشا قىلمىستىق ٸس قوزعالعان.
"اتالعان دەرەك بويىنشا بوستاندىق اۋداندىق پوليتسييا باسقارماسى قىلمىستىق ٸس قوزعادى. قازٸر سوتقا دەيٸنگٸ تەرگەپ-تەكسەرۋ اياسىندا تەرگەۋ ەرەكەتتەرٸ جٷرگٸزٸلۋدە. ونىڭ قورىتىندىسى بويىنشا تٷپكٸلٸكتٸ پروتسەسسۋالدىق شەشٸم قابىلدانادى. قر قپك 201-بابىنىڭ تالاپتارىنا سەيكەس, سوتقا دەيٸنگٸ تەرگەپ-تەكسەرۋدٸڭ ٶزگە مەلٸمەتٸ جارييا ەتٸلمەيدٸ", - دەيدٸ الماتى قالاسى پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەك.
ال قايعىلى جاعداي بولعان كلينيكا بٷگٸن پاراقشاسىندا رەسمي جاۋاپ جارييالادى. دەرٸگەرلٸك قۇپييا مەن ناۋقاستىڭ وتباسىنا قۇرمەتتٸ العا تارتىپ, رەسمي شارالار اياقتالعانعا دەيٸن جارييا تٷردە پٸكٸر بٸلدٸرمەيتٸنٸن جازدى.
قازٸر دەنساۋلىق ساقتاۋ مينيسترلٸگٸ جاعدايدى باقىلاۋعا الدى. كلينيكانىڭ ليتسەنزيياسى بار ما, ونداعى مامانداردىڭ بٸلٸكتٸلٸگٸ جەتكٸلٸكتٸ مە, كٶرسەتٸلەتٸن قىزمەتتەر ستاندارتتارعا سەيكەس جٷرگٸزٸلە مە, وسىنىڭ بەرٸ جٸتٸ تەكسەرٸلە باستادى. سونداي-اق بلوگەردٸڭ قازاسىنان سوڭ, كوسمەتولوگييالىق قىزمەت كٶرسەتەتٸن ٶزگە دە ۇيىمدارعا مونيتورينگ كٷشەيتٸلمەك.
