تٷركييا رەسپۋبليكاسىندا «قازاگروقارجى» اق, AGROMASH زاۋىتى, Eurasia Group AG جەنە Lindsay Corporation اراسىندا ىنتىماقتاستىق تۋرالى مەموراندۋمعا قول قويىلدى. قۇجات قازاقستاندا زاماناۋي يرريگاتسييالىق ينفراقۇرىلىمدى دامىتۋعا, ٶندٸرٸستٸ جەرگٸلٸكتەندٸرۋدٸ كەڭەيتۋگە جەنە وتاندىق اگرارشىلار ٷشٸن وزىق سۋارۋ تەحنولوگييالارىنىڭ قولجەتٸمدٸلٸگٸن ارتتىرۋعا جاڭا مٷمكٸندٸكتەر اشادى, دەپ حابارلايدى Ult.kz.
بۇعان دەيٸن قازاقستان رەسپۋبليكاسىنىڭ پرەمەر-مينيسترٸ ولجاس بەكتەنوۆتٸڭ تٶراعالىعىمەن «بەيتەرەك» ۇيح» اق, قر ٶنەركەسٸپ جەنە قۇرىلىس مينيسترلٸگٸ, قر اۋىل شارۋاشىلىعى مينيسترلٸگٸ, Lindsay Corporation, AGROMASH جەنە Eurasia Group AG اراسىندا ستراتەگييالىق كەلٸسٸمگە قول قويىلعان بولاتىن. قول جەتكٸزٸلگەن ۋاعدالاستىقتاردى ٸسكە اسىرۋدىڭ ماڭىزدى كەزەڭدەرٸنٸڭ بٸرٸ رەتٸندە ٶنەركەسٸپتٸك كووپەراتسييا تۋرالى كەلٸسٸم اياسىندا العاشقى ماشينا جيناقتارى AGROMASH زاۋىتىنا جەتكٸزٸلدٸ. بۇل جوبانىڭ كەلٸسسٶزدەر كەزەڭٸنەن پراكتيكالىق ٸسكە اسىرۋ كەزەڭٸنە ٶتكەنٸن ايقىن كٶرسەتەدٸ.
سەرٸكتەستٸكتٸ دامىتۋ جٶنٸندەگٸ جۇمىستى جالعاستىرا وتىرىپ, قازاقستان دەلەگاتسيياسى تٷركييا رەسپۋبليكاسىنداعى Lindsay Corporation كومپانيياسىنىڭ ٶندٸرٸستٸك كەشەندەرٸنٸڭ بٸرٸنە باردى.
«ساپار بارىسىندا بٸز يرريگاتسييالىق جٷيەلەردٸ ٶندٸرۋدەگٸ زاماناۋي تەحنولوگييالارمەن تانىسىپ, ٶندٸرٸستٸ جەرگٸلٸكتەندٸرۋ, تەحنولوگييالار ترانسفەرتٸ جەنە سەرٸكتەستٸكتٸ كەڭەيتۋ پەرسپەكتيۆالارىن تالقىلادىق. بٸز سۋارۋ سالاسىنداعى شەشٸمدەردٸڭ قازاقستاندىق فەرمەرلەر ٷشٸن قولجەتٸمدٸ بولۋىنا بار كٷشٸمٸزدٸ سالۋدامىز», – دەدٸ AGROMASH زاۋىتىنىڭ پرەزيدەنتٸ دينارا شٷكٸجانوۆا.
كەزدەسۋ بارىسىندا قازاقستاندىق اۋىل شارۋاشىلىعى تاۋارىن ٶندٸرۋشٸلەرگە ارنالعان جاڭبىرلاتىپ سۋارۋ ماشينالارىن جەتكٸزۋدٸ قارجىلاندىرۋ تەتٸكتەرٸنە ەرەكشە نازار اۋدارىلدى.
«قازٸرگٸ ۋاقىتتا «قازاگروقارجى» اق-دا زاماناۋي يرريگاتسييالىق جٷيەلەردٸ جىلدىق 12,6%-دان باستالاتىن مٶلشەرلەمەمەن جەڭٸلدٸكتٸ ليزينگتٸك قارجىلاندىرۋ باعدارلاماسى جۇمىس ٸستەيدٸ. بۇل باعدارلاما اگرارشىلار ٷشٸن سۋ ٷنەمدەۋ تەحنولوگييالارىنىڭ قولجەتٸمدٸلٸگٸن ارتتىرۋعا, سۋارمالى ەگٸنشٸلٸكتٸ دامىتۋ قارقىنىن جەدەلدەتۋگە جەنە اۋىل شارۋاشىلىعى ٶندٸرٸسٸنٸڭ تيٸمدٸلٸگٸن كٶتەرۋگە مٷمكٸندٸك بەرەدٸ», – دەدٸ «قازاگروقارجى» اق باسقارما تٶراعاسىنىڭ ورىنباسارى ايدوس سەيتجانوۆ.
يرريگاتسييا سالاسىنداعى ەلەمدٸك كٶشباسشى Lindsay Corporation كومپانيياسىمەن ىنتىماقتاستىقتى دامىتۋ اۋىل شارۋاشىلىعى ماشينا جاساۋ سالاسىنداعى لوكاليزاتسييالاۋ دەڭگەيٸن ارتتىرۋ جەنە قازاقستاننىڭ اگروٶنەركەسٸپتٸك كەشەنٸنە وزىق تەحنولوگييالاردى ەنگٸزۋ جولىنداعى ماڭىزدى قادام.
«بٷگٸندە ازىق-تٷلٸك قاۋٸپسٸزدٸگٸن قامتاماسىز ەتۋ سۋ رەسۋرستارىن تيٸمدٸ باسقارۋسىز مٷمكٸن ەمەس. سوندىقتان زاماناۋي سۋارۋ جٷيەلەرٸن دامىتۋ ٶنٸمدٸلٸكتٸ ارتتىرۋدىڭ, اۋىل شارۋاشىلىعى ٶندٸرٸسٸنٸڭ تۇراقتىلىعىن قامتاماسىز ەتۋدٸڭ جەنە قازاقستاندىق اگرارشىلاردىڭ بەسەكەگە قابٸلەتتٸلٸگٸن كٷشەيتۋدٸڭ نەگٸزگٸ فاكتورلارىنىڭ بٸرٸنە اينالىپ وتىر», – دەدٸ Eurasia Group AG كومپانيياسىنىڭ ديرەكتورى سەرگەي گلوككە.
ەسكە سالا كەتەيٸك, وسى جىلدىڭ سەۋٸر ايىندا قازاقستان ورتالىق ازييانىڭ نەگٸزگٸ ٶنەركەسٸپتٸك حابى مەرتەبەسٸن نىعايتتى. قازاقستاندىق ماشينا جاساۋشىلاردىڭ جاڭا سەرٸكتەستەرٸ قاتارىن سالانىڭ جەتەكشٸ كومپانييالارى – Väderstad, Dewulf, Lindsay Corporation, Amity Technology, Vervaet, Kuhn Group جەنە Brandt Agricultural Products تولىقتىردى.
