اقتٶبەدەگٸ ليفتٸدە مەرت بولعان جۋرناليست ايزات ەبدٸساماتتىڭ ٸسٸنە قاتىستى سوت وتىرىسى جالعاسىپ جاتىر. جەبٸرلەنۋشٸ تاراپ 5 ميلليون تەڭگە مورالدىق ٶتەماقى سۇرادى, دەپ حابارلايدى قازاقپارات تٸلشٸسٸ.
اقتٶبە قالالىق سوتىندا سوتتالۋشى جارىلقاسىن اقجانوۆ جەبٸرلەنۋشٸ تاراپتان كەشٸرٸم سۇراپ, ٶزٸنٸڭ كٸنەسٸز ەكەنٸن ايتتى.
"مەن ٶزٸمدٸ كٸنەلٸ دەپ ەسەپتەمەيمٸن. ال 5 ميلليون تەڭگە مورالدىق شىعىندى تٶلەي المايمىن. ونداي اقشام جوق. جاعدايىم كەلگەنشە كٶمەكتەسە الامىن. ٶزٸم جولاقى ٷشٸن 6 مىڭ تەڭگەگە ليفت جٶندەگەن اداممىن", - دەدٸ سوتتالۋشى ج.اقجانوۆ.
ال سوتتالۋشى كەنەن جانابەكوۆ ٶز كٸنەسٸن مويىندامادى, بٸراق جەبٸرلەنۋشٸ سۇراعان مورالدىق ٶتەماقىنى تولىق بەردٸ.
ايتا كەتەيٸك, قازا بولعان ايزات ەبدٸساماتتىڭ اناسى ايشا تٶلەمٸسوۆا سوتتالۋشىلارعا كەشٸرٸم بەرەتٸنٸن جەتكٸزدٸ.
"مەن كەشٸرٸم بەردٸم. نەگٸزٸ سوتتالۋشىلار سول كٷنٸ كەلٸپ, كٶڭٸل ايتىپ, كەشٸرٸم سۇراۋى كەرەك ەدٸ. ال ولار ارادا 7 اي ٶتكەندە عانا ٷيٸمە كەلدٸ", - دەدٸ ايزات ەبدەساماتتىڭ اناسى ايشا تٶلەمٸسوۆا.
ەسكە سالساق, وسى جىلدىڭ سەۋٸر ايىندا جۋرناليست ايزات ەبدٸسامات ليفت ەسٸگٸنە قىسىلىپ,كٶز جۇمعان ەدٸ. وسى وقيعاعا بايلانىستى قىلمىستىق كودەكستٸڭ «قاۋiپسiزدiك تالاپتارىنا ساي كەلمەيتٸن تاۋارلاردى شىعارۋ نەمەسە ساتۋ, جۇمىستاردى ورىنداۋ نە قىزمەتتەر كٶرسەتۋ» بابى بويىنشا ايىپ تاعىلدى.
سوت باستالماس بۇرىن ايزات ەبدٸساماتتىڭ اناسى كٸنەلٸ ادامداردىڭ جازالانۋىن سۇرادى.
ەرتەڭ جارىسسٶز بولادى.
