ليفت ٸشٸندە ماسكا ٷشٸن تٶبەلەسكەن استانالىقتار ۆيدەوعا تٷسٸپ قالدى. جانجال ۆيدەوسى ەلەۋمەتتٸك جەلٸلەردە تارادى. ەلوردالىق پوليتسييا دەپارتامەنتٸ جاعدايعا قاتىستى تٷسٸنٸك بەردٸ, - دەپ حابارلايدى Tengrinews.kz.
ۆيدەودا ليفتٸگە ٷش قىز كٸرگەنٸن كٶرۋگە بولادى. ولاردىڭ ەكەۋٸندە بەتپەردە بار. كەيٸن ولار ماسكاسىز قىزبەن تٶبەلەسە باستايدى. جەلٸدە قىزداردىڭ بٸرٸ نە بولعانىن ايتىپ بەردٸ.
"2021 جىلى 18 اقپاندا ليفتٸدە ەكٸ بەلگٸسٸز ەيەل ماعان "ماسكاسىز" ەكەنٸمدٸ ايتىپ شابۋىل جاسادى. مەن ولارمەن سٶزگە كەلٸپ قالماۋ ٷشٸن ماسكامدى الدىم. بٸراق بۇل ولارعا جەتكٸلٸكسٸز بولدى. جاسى ٷلكەنٸرەك ەيەل بٸرٸنشٸ بەتٸمنەن ۇردى, مەن ونى يتەرٸپ جٸبەرمەك بولدىم, سٶيتٸپ ولار ماعان جابىلىپ, بەيەدەپ سٶزدەر ايتىپ, شاشىمنان ۇستاپ الدى.
ولار موينىمنان, باسىمنان ۇرىپ, شاشىمدى جۇلدى, ەسٸمنەن تانىپ قالا جازدادىم. توعىزىنشى قاباتقا دەيٸن قينادى. مەن "كٶمەكتەسٸڭدەر!" دەي باستاعاندا, كٶرشٸلەردٸڭ بٸرٸ ەستٸپ شىققاندا ولار مەنٸ جٸبەرە سالىپ, كٶرشٸلەردٸڭ الدىندا مەنٸ ناشاقور دەپ, ايعايلاي باستادى. ولارعا مەن شابۋىل جاسادى دەدٸ. سٶيتٸپ تەز ٷيلەرٸنە قاشىپ كەتتٸ", - دەيدٸ قىز.
قىزدىڭ ايتۋىنشا, ول قازٸر دەرٸگەرگە قارالىپ, نەۆروپاتولوگپەن ەمدەلٸپ جاتىر.
پوليتسييا دەپارتامەنتٸ ۆيدەوداعى ٷشەۋٸ دە تابىلعانىن جەنە ولار بٸر-بٸرٸنە قارسى مەلٸمدەمە جازعانىن ايتتى. تەرتٸپ ساقشىلارى تۇرعىن ٷي كەشەنٸنٸڭ ليفتٸندەگٸ جانجال سەبەبٸ ماسكا بولعانىن دا راستادى.
"23 جاستاعى استانالىق قىزعا ليفتٸگە كٸرگەن ەكٸ ەيەل ەسكەرتۋ جاساعانى انىقتالدى. سودان كەيٸن جانجال شىعىپ, ول تٶبەلەسكە ۇلاسقان.
سوت-مەديتسينالىق ساراپتاما نەتيجەلەرٸ بويىنشا, كٸنەلٸ ادامدى قولدانىستاعى زاڭناماعا سەيكەس جاۋاپقا تارتۋ تۋرالى شەشٸم قابىلدانادى", - دەپ حابارلادى نۇر-سۇلتان پد باسپاسٶز قىزمەتٸندەگٸلەر.
پوليتسييا دەپارتامەنتٸ ٶكٸلدەرٸ تۇرعىندارعا كارانتين رەجيمٸ جالعاسىپ جاتقانىن ەسكەرتٸپ, ولاردان سانيتار نورمالاردى ساقتاۋدى جەنە قوعامدىق تەرتٸپتٸ بۇزباۋدى سۇرادى.
