بوكستان قازاقستان ەرلەر قۇراماسىنىڭ باس باپكەرٸ عالىمبەك كەنجەباەۆ توكيو وليمپياداسىنا قاتىساتىن بوكسشىلاردىڭ جەرەبە قورىتىندىسى بويىنشا پٸكٸر بٸلدٸردٸ, دەپ حابارلايدى قازاقپارات.
«جەرەبە تارتۋ رەسٸمٸ جاڭا عانا اياقتالدى. ٷش سپورتشىمىز جەرەبە بويىنشا تارقاتىلعان سەبەتكە تٷستٸ. حالىقارالىق وليمپيادا كوميتەتٸنٸڭ ٶز رەيتينگٸسٸندە العاشقى تٶرتتٸكتە تۇرعان بوكسشىلاردى جارتىلاي فينالعا دەيٸن بٸر-بٸرٸمەن جولىقپايتىنداي ەتٸپ تارقاتىپ بٶلٸپ تاستادى. سونىڭ ٸشٸندە بٸزدٸڭ ٷش بوكسشىمىز بار. 81 كەلٸدەگٸ بەكزات نۇردەۋلەتوۆ بٸرٸنشٸ رەيتينگتە تۇر. 91 كەلٸدە ۆاسيليي لەۆيت ەكٸنشٸ نٶمٸر بولىپ تۇر. ەڭ اۋىر سالماقتا قامشىبەك قوڭقاباەۆ تا ٶز سالماعىندا ەكٸنشٸ نٶمٸردە تۇر. سولار جارتىلاي فينالعان دەيٸن رەيتينگٸنٸڭ تٶرتتٸگٸندەگٸ بوكسشىلارمان جارتىلاي فينالعا دەيٸن جولىقپايتىنداي ەتٸپ بٶلٸندٸ. بٸراق وليمپيادادا وڭاي جەكپە-جەكتەر بولمايدى. ەرينە, سپورتشىلاردىڭ بەرٸ مىقتى دايىندىقپەن كەلدٸ. جەرەبە وسىلاي تٷسٸپ تۇر. قالعانىن رينگ كٶرسەتەدٸ», - دەدٸ باس باپكەر.
سونداي-اق, ول بۇعان قاراپ ەلەمدٸك رەيتينگتٸڭ العاشقى ساتىسىندا تۇرعاندارعا جەرەبە جولداس بولدى دەپ ايتۋعا كەلمەيتٸنٸن ەسكەرتتٸ.
«بۇل جەردە بوكسشىلاردىڭ بٸرٸنە جەرەبە جولداس بولدى, ەكٸنشٸسٸنە جەڭٸل بولدى دەپ ايتۋعا كەلمەيدٸ. مىسالى, جاڭاعى تارقاتىلعان سەبەتتەگٸ ۆاسيليي لەۆيتتٸڭ بٸرٸنشٸ يسپاندىق قارسىلاسى دا وڭاي سپورتشى ەمەس. ال كەلەسٸ اينالىمدا حۋليو لا كرۋزبەن تٷسۋٸ مٷمكٸن. تارقاتىلعان سەبەتكە بٸزدٸڭ عانا ەمەس, ەلەمنٸڭ تاڭداۋلى بوكسشىلارى دا كٸرمەي قالعان. وليمپيادا چەمپيونى, سوڭعى ەلەم چەميپيوناتىنىڭ جەڭٸمپازى ٶزبەكستاندىق زايروۆ تا تارقاتىلعان سەبەتكە تٷسكەن جوق. وليمپيادا كوميتەتٸ ٶز رەيتينگٸسٸن جاساپ, سونىڭ قورىتىندىسى بويىنشا تارقاتىپ وتىر. ٶتە مىقتى بوكسشىلاردىڭ تالايى نٶمٸر العان جوق. حۋليو لا كۋرز دا سولاي. يسپاندىقتى جەڭٸپ جاتسا, ۆاسيليي حۋليو لا كرۋزبەن شىعۋى مٷمكٸن.
جەرەبە قورىتىندىسى بٸر قاراعاندا جامان ەمەس بولىپ كٶرٸنگەنٸمەن, ەكٸنشٸ جاعىنان كٷردەلٸ بولىپ تۇر. سوندىقتان وسىنداي سەتتەر بار. رينگ كٶرسەتەدٸ. جارىس باستالعاندا كٶرەمٸز بەرٸن», - دەدٸ عالىمبەك كەنجەباەۆ.
